रामेछाप,२१ फागुन । रामेछाप उद्योग वाणिज्य संघले आफ्नो स्थापना दिवस बिबिध कार्यक्रमका साथ मनाएको छ ।
संघको २९ औ वर्ष,दोस्रो स्थापना दिवसको अवसर पारेर शुक्रवार बजार सरसफाई गर्नुका साथै ं शनिवार संस्थागत योगदान गर्ने १४ जना पुूर्ब पदाधिकारी एबं सदस्यहरुलाई सम्मान गरेको छ ।
संघले शनिवार एक औपचारिक कार्यक्रमको आयोजना गरी स्थापनाकाल देखि संघलाई हाल सम्मको अबस्थामा ल्याइपुर्याउन गरेको महत्वपूर्ण भूमिका तथा योगदानको उच्च मुल्याङ्कन गर्दै संस्थापक अध्यक्ष, तथा पदाधिकारीहरू, सदस्यहरू र पुर्व अध्यक्ष लगायतलाई सम्मान गरेको हो । साथै संघको लेखा प्रशासनमा कार्यरत कर्मचारीलाई लाई पनि नगद पुरस्कार सहित सम्मान गरेको छ ।
यसरी सम्मानित हुनेहरुमा संस्थापक अध्यक्ष प्रज्वल कुमार वज्राचार्य, पुूर्ब अध्यक्ष लोक बहादुर श्रेष्ठ, पूर्व महासचिब कृष्ण प्रसाद ढुंगेल,पूर्ब अध्यक्ष पशुपति बहादुर खड्का निबर्तमान महासचिब जगन्नाथ दाहाल बर्तमान उपाध्यक्ष श्री दामोदर थापा, पूर्ब सदस्य रामनारायण श्रेष्ठ ,पूर्ब कार्यसमिति सदस्य, निरोज कुमार श्रेष्ठ व्याञ्जु, चेत बहादुर खड्का,तुलसी दाश उदाश,नारायण पौडेल, सुरेन्द्र के शी उत्तम राज भट्टराई, यम बहादुर रानामगर रहेका छन् ।
संघका अध्यक्ष केशव प्रसाद घिमिरेको अध्यक्षतामा सम्पन्न उक्त कार्यक्रमको उद्घाटन मन्थली नगर प्रमुख एबं कार्यक्रमका प्रमुख अतिथि रमेश कुमार बस्नेत ले गर्नु भएको थियो ।
यो बारेमा तपाईको प्रतिकृया