रामेछाप,२५ फागुन । धादिङ जिल्लाका ब्यवसायीहरुले पाठ्यपुस्तहरुलाई अंकित मुल्यमा बिक्री बितरण गर्ने अभियन सुरु गरेको छ । यस अघि नेपाल पुस्तक तथा स्टेशनरी ब्यवसायी महासंघ केन्द्र र प्रदेश समितिले गरेको निर्णयलाई कार्यान्वयन गर्ने उद्देश्यका साथ धादिङ जिल्ला शाखाले पनि सबै ब्यवसायीहरुले सबै खाले पुस्तकहरु अंकित मुल्यमा बिक्रिबितरण गर्नका लागि बिभिन्न ब्यवसायिहरु सँग अन्तकृया कार्यक्रम सहित उक्त अभियान सुरु गरेको हो ।
जिल्ला शाखा धादिङले जिल्लाका दक्षिणी क्षेत्रका ब्यवसायीहरुसँंग गजुरीमा र मध्य तथा उत्तरी क्षेत्रका ब्यवसायीहरु सँग धादिङवेसीमा मंगलवार छुट्टा,छुट्टै अन्तरकृया कार्यक्रम सम्पन्न गरेको हो ।
धादिङ शाखाका अध्यक्ष पञ्चकुमार श्रेष्ठको अध्यक्षतामा सम्पन्न गजुरीको कार्यक्रममा १६ जना र धादिङबेसीको कार्यक्रममा २१ जना व्यवसायीहरुको उपस्थिति रहेको थियो ।
नेपाल पुस्तक तथा स्टेसनरी ब्यवसायी महासंघ बागमती प्रदेशका अध्यक्ष तथा धादिङ शाखाका सल्लाहकार संयोजक नारायणकुमार श्रेष्ठ र धादिङ शाखाका निवर्तमान अध्यक्ष तथा बागमती प्रदेश सल्लाहकार सदस्य तुलसीप्रसाद अधिकारीसमेतको उपस्थितिमा सम्पन्न उक्त कार्यक्रमममा ब्यवसायी हरुको बिचमा भैरहेको अस्वस्थ्य प्रतिस्पर्धाका बारेमा समिक्षा भएको थियो । उक्त समिक्षा पश्चात आगामी दिनमा यस्तो प्रतिस्तर्धा नगरी यस अघि ग्राहकलाई दिने गरेको छुट सुबिधालाई कम गरी एकरुप ढंगबाट छुट दिने वा अंकित मुल्यमै पाठयपुस्तक बिक्रि बितरण गर्ने सम्बन्धि जिल्ला शाखाको निर्णय लाई कार्यान्वयन गर्ने सहमति भएको छ । कार्यक्रममा अस्वस्थ प्रतिस्पर्धालाई निरुत्साहित गर्दै ब्यवसायीहरुको हक हितमा लागेर रचनात्मक भुमिका निभाउने सहमति पनि भएको संस्थाका अध्यक्ष पञ्चकुमार श्रेष्ठले जानकारी दिनुभयो ।
यो बारेमा तपाईको प्रतिकृया