रामेछाप,चैत्र ५ गते । रामेछापको मन्थली नगरपालिका वडा नं–१३ मा निर्माणाधिन देशकै दोस्रो ठूलो न्यू खिम्ती सवस्टेशनको उद्घाटन प्रधानमन्त्री शेरवहादुर देउवाले गर्नु भएको छ ।
उहाले शनिवार एक समारोहका बिच उद्घाटन गर्नु भएको हो ।
शनिवार औपचारीक रुपमा उद्घाटन पछि संचालनमा ल्याइएको २२०÷१३२ केभी क्षमताको सवस्टेशनमा माथिल्लो तामाकोशी जलविद्युत आयोजनाबाट उत्पादित ४ सय ५६ मेघावाट विद्युत जोडिएको माथिल्लो तामाकोशी जलविद्युत आयोजनाका प्रमुख कार्यकारी अधिकृत विज्ञान श्रेष्ठले बताउनुभयो । उहाका अनुसार भविष्यमा लिखु नदी, तमाकोशी नदी र अन्य नदीमा निर्माण सम्पन्न र निर्माणाधिन अवस्थामा रहेका विद्युत आयोजनाबाट उत्पादित करिव २ सय ५० मेगावाट भन्दा बढी विद्युत न्यु खिम्ती सवस्टेशनमा जडान गरिने योजना रहेको छ ।
यो सबस्टेशनबाट २२० केभी प्रशारण लाइनबाट देशकै ठूलो ढल्केबर सवस्टेशन हुँदै भारत सम्म विद्युत प्रवाहको लागि यस सबस्टेशनले काम गर्ने माथिल्लो तामाकोशी जलविद्युत आयोजनाले जनाएको छ । न्यू खिम्ती सबस्टेशन र ट्रान्समिसन लाइन निर्माणको लागि एक अर्व ६ करोड ६१ लाख ९६ हजार १ सय ५१ रुपैयाँ लगानी भएको बताइएको छ ।
यो बारेमा तपाईको प्रतिकृया