रामेछाप,१९ असोज । हरेक बर्षको दशैमा सुनसान हुने गरेको रामेछापको मन्थली बजार यस पटक भने चहलहलमा कमी भएन ।
दशैको बेला झरी परेर मन्थली लुक्लाको उडान नभएपछि लुक्ला जान आएका पर्यटकहरुले मन्थली बजारको चहलपहल बढाएका हुन ।
यस अघि फुलपाती र अस्टमीको दिन देखि अधिकांस पसल तथा होटेलहरु बन्द गरेर मन्थली बजारका ब्यवसायिहरु दशै मान्न घर जाने गरेका थिए ।
नवमी र दशमिको दिन मन्थली बजारका मुख्य होटलहरु (एस एस एभर ग्रीन, फ्रीडम रिसोर्ट, जि एस–२ लगाएत) मा पर्यटक हरुको भिड लाग्यो । मन्थलीका धेरै होटल सञ्चालकहरु दशै मनाउन आफ्नो गाउ गएपछि पर्याप्त होटलहरु खुल्ला नहुँदा पर्यटकहरुलाई राख्न सम्बन्धित कम्पनीहरुलाई हम्मे हम्मे परेको थियो ।
बिभिन्न एयरलाइन्सहरुको नियमित उडान नहुँदा पर्यटकहरुलाई थप समस्या हुन सक्ने संम्भावनालाइ मध्यनजर गर्दै मंगलबार र बुधवार ति कम्पनीहरुले दिनभर हेलीकप्टर मार्फत मन्थली –लुक्ला ओसार पसार गरेका थियो ।
यो बारेमा तपाईको प्रतिकृया