रामेछापको लिखु तामाकोसीमा ‘सुत्केरीगँग उपाध्यक्ष कार्यक्रम

रामेछाप ३० चैत । रामेछापको लिखु तामाकोसी गाउँपालिकाले सुत्केरीसँग उपाध्यक्ष कार्यक्रम लागु गरेको छ । उसले सवै वडाका सुत्केरी महिलाहरुले स्थानिय सरकारको अनुभुति गर्न सकुन भन्नका लागि यसै महिनाबाट लागुहुने गरि उक्त कार्यक्रम लागु गरेको हो ।
कार्यक्रमको नाम सुत्केरि संग उपाध्यक्ष भेटघाट संगै कोसेली कार्यक्रम सञ्चालन गरिएको पालिकाकि उपाध्यक्ष दिपा पाख्रिनले जानकारी दिनु भयो । उहाँका अनुसार कुनै पनि महिला सुत्केरि भएको खबर पाउना साथ पालिकाले विभिन्न वडामा पुगेर सुत्केरी महिलाहरुसँग भेटघाट गर्नुका साथै उनिहरुका लागि पोषणयुक्त खानेकुरा वितरणको काम अघि बढाइएको छ ।
सुत्केरी आमा र शिशुको स्वाथ्य र खानपानलाई ध्यानमा राखेर गाउँपालिकाले सुत्केरीसँग भेटघाट र कोसेली कार्यक्रम अघि बढाएपछि त्यसबाट राम्रो प्रभाब देखिएको उपाध्यक्ष पाख्रिनले बताउनु भयो ।
गाउँ कार्यपालीकाको बैठकले गरेको निर्णयका आधारमा हाल सम्म चार वटा वडामा सुत्केरीसँग भेटघाट र कोसेली वितरण कार्यक्रम गरिसकिएको उपाध्यक्ष दिपा पाख्रिनले जानकारि दिनुभयो । उहाँका अनुसार कार्यक्रम अन्र्तगत वितरण गरिने कोशेलि झोलामा पोषणयुक्त पाँच प्रकारका खानेकुरा समावेस गरिएको छ ।
उक्त कार्यक्रम अन्र्तगत खिम्ती नागदह, सैपू र तिल्पुङ गरि ४ वटा वडाका गरि करिब ४० जना सुत्केरी आमाहरुलाई घरमै पुगेर कोसेली वितरण गरिएको र उक्त कार्यक्रमबाट उनिहरु र परिवारले समेत खुसि ब्यक्त गरेको पनि उपाध्यक्ष पाख्रिनले बताउनु भयो ।