रामेछाप,३ बैशाख । आइतवारबाट शैक्षिक सत्र २०८० सुरु भइसकेको छ । नयाँ शैक्षिक सत्र सुरु भए संगै जिल्लाका सबै सामुदायिक तथा संस्थागत विद्यालयहरुले पनि विद्यार्थी भर्ना अभियान प्रारम्भ गरेका छन् । भर्ना अभियान शुरु गरे संगै जिल्लाका अधिकांश सामुदायिक विद्यालययहरुमा पाठय पुस्तकहरु पनि पुगिसकेका छन् ।
सरकारले ब्यवस्थापन गरेको मापदण्डका आधारमा रामेछापका स्टेशनरी व्यवसायिहरुल शैक्षिक सत्र सुरु हुनु अघिनै जिल्लामा पुस्तक ल्याएर सम्बन्धित विद्यालयहरुमा पठाईसकेका छन् । जिल्ला भरी कक्षा १ देखि १० सम्म ४० हजार थान पुस्तक आवश्यक रहेको भएपनि अधिकांस पुस्तक जिल्लामा आई विद्यालय विद्यालय पुगिसेकोको नेपाल पुस्तक तथा स्टेशनरी व्यवसायी महासंघ रामेछापले जनाएको छ । जिल्लामा स्टेसनरी व्यवसायिहरुले छुट्टा छुट्टै रुपमा पुस्तक खरिद गरेर ल्याएका छन् ।
‘हरेक वर्ष हुने गरेको पुस्तक अभावलाई यस वर्ष अभाव हुन नदिन कक्षा १ देखि ५ सम्म नीजि क्षेत्रलाई प्रारशन र वितरणको जिम्मेवारी दिएका कारण पनि पााठ्य पुस्तकमा वितरणमा सहजता आएको हो । अहिले यस अघि १ देखि १० कक्षा सम्मको पुस्तक छपाई र बितरण को जिम्मा जनक शिक्षा सामाग्रि लिमिटेड ले लिएको भएपनि यसवर्ष भने कक्षा ६ देखि १० सम्मको मात्र छपाई र वितरणको जिम्मेवारी लिएको थियो ।
पुस्तकहरु सहज रुपमा सेट कै संख्यामा प्राप्त भएका कारण पुस्तक ल्याउन खासै समस्या नभएको र बाँकी पुस्तकहरु पनि चाँडैनै आईपुग्ने नेपाल पुस्तक तथा स्टेसनरी ब्यवसायी महासंघका केन्द्रीय सदस्य रमेश ढुंगेलले बताउनुभयो । यो बर्ष विगतका वर्षहरूमा जस्तो पाठ्य पुस्तक वितरणमा समस्या नहोस भनेर पनि आफुहरुले समयमै पुस्तक जिल्लामा झारेर बितरण सुरु गरेको पनि उहाले बताउनुभयो ।
शिक्षा विकाश तथा समन्वय इकाई रामेछापका प्रमुख भरत भट्टराई पनि यस बर्ष जिल्लाका कुनै पनि विद्यालयमा पुस्तकको समस्या नहुने बताउनुहुन्छ । जिल्लाका ८ वटा पालिका मध्ये ६ वटा पालिकामा पूर्ण मात्रामा पाठ्य पुस्तक आइसकेको र दुगर्म भनिएका दुई वटा पालिकामा पनि बैशाखको पहिलो हप्ता भित्र पुगिसक्ने दावी गर्नुभयो ।
हाल सम्म ‘जिल्लाको मन्थली र रामेछाप नगरपालिका, खाँडादेवी, उमाकुण्ड, गोकुलगंगा, र लिखुतामाकोशी गाउँपालिकामा आवश्यक पाठ्य पुस्तक पुगिसकेको छ भने बाँकी रहेका दोरम्बा शैलुङ र सुनापति गाउँपालिकामा पनि केहि दिन भित्र पुस्तक पुगि सक्ने पनि उहाले बताउनुभयो ।
रामेछाप जिल्ला भरी २ सय ८० वटा आधारभूत विद्यालय र ९६ वटा माध्यमिक विद्यालय रहेका छन् । ति विद्यालयका लागि यो वर्ष ४० हजार थान पाठ्य पुस्तक आवश्यक पर्ने हुन्छ । जस अनुसार यस बर्ष जिल्ला भरिमा माध्यमिक तहमा ७ हजार र आधारभूत तहमा ३३ हजार विद्यार्थीका लागि पाठ्य पुस्तक आवश्यक पर्ने भएकोले सोहि अनुसारको काम तिब्र गतिमा अघि बढेकोले विगत बर्षहरुमा जस्तो पाठ्यपुस्तक वितरणमा समस्या नआउने ब्यवसायिहरु बताउछन । बरु यस वर्ष देखि संस्थागत विद्यालयका पाठ्यपुस्तहरु चाहि सेट संख्यामा नपाइएको गुनासो उनीहरुको छ ।
बिभिन्न प्रकाशक हरुका पाठ्यपुस्तक नीजि बिद्यालयमा लगाउने तर ति सबै प्रकाशनका पुस्तकहरु पर्याप्त नपाइने भएका कारण नीजि बिद्यालयका अधिकांस कक्षाका पुस्तकहरु सेटमा उपलब्ध नहुने गरेको पुस्तक ब्यवसायीहरु बताउछन् ।
यो बारेमा तपाईको प्रतिकृया