३ भदौ, २०७६
मन्थली- रामेछापको मन्थली नगरपालिका वडा नं. ११ गेलुमा ९ जना कामदार एक्कासी बिरामी परेका छन् । बिहानको बासी खाना बेलुकी तताएर खाँदा मनकामना माध्यमिक विद्यालयको भवन निर्माणको काममा काम गरीरहेका ९ जना कामदारहरु बिरामी भएका हुन् ।
सोमबार बिहान पकाएको खाना बेलुका तताएर खाई सुतेका कामदारहरु मंगलबार विहान देखी बिरामी परेका छन् । मंगलबार विहान बिरामी परेकाहरुलाई ज्वरो आउने, पखाला लाग्ने, पेट दुख्ने जस्ता धेरै लक्षणहरु देखा परेका छन् । बिरामी परेकाहरुको अहिले मन्थली स्थित तामाकोसी सहकारी अस्पतालमा उपचार भइरहेको छ ।
बिरामीहरुले खाएको खानामा केही विषाक्त बस्तु मिसिएको कारण कामदारहरु विरामी भएको हुन सक्ने अस्पतालले जानकारी दिएको छ । बिरामीको अबस्था सामान्य रहेको उपचारमा संलग्न चिकित्सकहरुले बताएका छन् ।
विद्यालयको काम गरी रहेको कामदारहरु बिरामी परेको थाहा पाए पछि उनिहरुलाई एम्बुलेन्स मार्फत उपचारका लागि अस्पताल ल्याएको वडा नं–११ का वडा अध्यक्ष भिमबहादुर थापामगरले बताउनुभयो । विरामी पर्ने कामदारहरु रामेछाप, मोरङ्ग र ओखलढुंगा रहेका छन् ।
यो बारेमा तपाईको प्रतिकृया