११ पुस, २०७५
रामेछाप– विगत पाँच वर्ष देखि काठमाण्डौमा गएर मृगौलाको डाइलसिस सेवा लिइरहेका रामेछापको खाँडादेबी–६ माकादुमका मविन्द्र तामाङ जिल्लामै डाइलासि सेवा पाए पछि उनको मुहारमा खुसी छाएको छ । २५ वर्षको उमेरमै दुबै मृगौला फेल भएका तामाङले जिल्लामै उपचार पाए पछि खुसी हुँदै भने, ‘निशुल्क भए पनि काठमाण्डौ जाँदा ६÷७ हजार खर्च हुन्थ्यो, यहाँ घर नजिकै डाइलासिस सेवा लिन पाइयो अब खर्च कम हुन्छ ।, उनले काठमाण्डौ जाँदा कुनैबेला गाडी नभेटिने कुनै बेला पैसा नहुने जस्ता समस्याले गर्दा परिवारमा समेत तनाब हुने गरेको बताए । तर, अहिले ती सबै समस्याको समधान भएको छ ।
उनलाई यो खुसी दिने मन्थलीको तामाकोसी सहकारी अस्पताल हो । जिल्लामै पहिलो पटक मिर्गौलाको निशुल्क डायलासिस सेवा बुधबारदेखि सुरु भएको छ । चुजी फाउण्डेसन मलेसियाले उपचारका लागि आवश्यक उपकरणहरु अनुदानमा उपलब्ध गराइदिए पछि अस्पतालले भौतिक संरचनाको काम गरेर यो सेवा दिन सफल भएको अस्पताल सञ्चालन समितिका अध्यक्ष गोविन्द प्रसाद घिमिरेले बताए ।
केन्द्रीय मिर्गौला उपचार केन्द्रसँगको सहकार्यमा अस्पतालले मन्थली मिर्गौला उपचार केन्द्र स्थापना घिमिरेले बताए । डायलासिस सेवा लिनको लागि छिमेकी जिल्ला ओखलढुंगा, दोलखा, सिन्धुली, सोलुखुम्बु, लगायतका विरामीहरुलाई समेत पाएक पर्ने अध्यक्ष घिमिरेले बताए ।
करिब तीन करोडको लागतमा तयार भएको उपचार केन्द्रमा एक पटकमा ५ जना विरामीको डायलासिस सेवा पाउनेछन् ।
यो बारेमा तपाईको प्रतिकृया