रामेछाप- मातृ मृत्युदरको जोखिमलाई कम गराउने उद्दश्यका साथ सरकारले यस अघि २० जिल्लामा संचालनमा ल्याएको समुदायमा आधारित मातृ मृत्यु तथा पेरिनेटल मृत्युको निगरानी तथा प्रतिकार्य कार्यक्रम यस वर्ष देखि रामेछापमा पनि सुरु भएको छ ।
जिल्लामा मातृ मृत्युदर न्यूनिकरणको लागि प्रदेश सरकारले स्वास्थ्य कार्यालय रामेछाप मार्फत गाउँगउँमा पुग्ने गरि कार्यक्रम गर्न लागिएको स्वास्थ्य कार्यालय रामेछापले मन्थलीमा अभिमूखिकरण कार्यक्रमको आयोजना गरी जानकारी गराएको छ ।
नेपालमा प्रतिवर्ष प्रतिलाख २ सय ५८ आमाहरुको ज्यान जाने गरेको यो मृत्युदरलाई हेर्दा अन्य देशका दाँजोमा नेपाल जोखिममा रहेकाले त्यसको न्यूनिकरणका लागि रामेछापमा उक्त कार्यक्रम सुरु गरिएको स्वास्थ्य कार्यालय रामेछापकी प्रमुख विद्या खनालले बताउनुभयो ।
जिल्लामा स्वास्थ्य कार्यालय प्रमुखको संयोजकत्वमा र पालिकामा स्वास्थ्य शाखा प्रमुखको संयोजकत्वमा समिति बनाएर सबै वडाको गाउँ–गाउँमा मातृ मृत्युदरलाई न्यूनिकरण गराउनको लागि जनचेतनामूलक कार्यक्रम गरिने पनि प्रमुख खनालले बताउनुभयो ।
रामेछापका दुई नगरपालिका र ६ गाउँपालिकाका पालिका प्रमुख, उपप्रमुख र प्रमुख प्रशासकीय अधिकृतलाई कार्यक्रमको बारेमा जानकारी गराउँदै चैत्र महिनाको अन्तिमबाट कार्यक्रम सुरु गरिने स्वास्थ्य प्रमुख विद्या खनालले बताउनुभयो ।
मातृ मृत्युदरलाई न्यूनिकरण गराउने उद्देश्यले सुरु गर्न लागिएको कार्यक्रमलाई प्रभावकारी बनाउनको लागि आफूहरुले पूर्ण रुपमा सहयोग गर्ने पालिकाका प्रमुखहरुले प्रतिबद्धता जनाएका छन् ।
यो बारेमा तपाईको प्रतिकृया