रामेछप- मन्थली नगरपालिकाका वडा नम्बर १ भैसेश्वर चोकमा मन्थली नगरपालिकाले स्थापना गरेको स्वास्थ्य परिक्षण हेल्प डेक्समा एक हजार एक यस १२ जना यात्रुले स्वास्थ्य परिक्षण गराएका छन् । ओखलढुङ्गा, दोलखा र रामेछापको विभिन्न ठाउँमा सवारी साधान मार्फत आवतजावत गर्ने यात्रुको स्वास्थ परिक्षण गरि संभावित कोरोना संक्रमणलाई न्युनिकरण गर्नका लागि सोमबार देखि सो हेल्प डेक्स संचालनमा ल्याईएको थियो ।
सोमबार मात्रै स्थापना भएको हेल्पडेक्समा नेपालको विभिन्न शहर र भारतबाट आउने यात्रुहरुको स्वास्थ्य परिक्षण गर्दा कुनै पनि यात्रुमा कोरोना संक्रमण हुँदा देखिने लक्षणहरु नदेखिएको मन्थली नगरपालिकाका स्वास्थ्य शाखा प्रमुख केशबराज फुँयालले बताउनुभयो ।
सरकारले मंगलबार देखि देशमा लकडाउन लगाउने निर्णय गरेसँगै उक्त हेल्प डेक्समा यात्रुहरु नआएको पनि उहाँले बताउनुभयो । कुनै त्यस्तो आपत्तकालिन अवस्थामा भैसेश्वर चोक हुँदै यात्रुहरु आएमा स्वास्थ्य परिक्षणको लागि स्वास्थ्यकर्मीहरु तयारी अवस्थामा रहेको समेत उहाँले जानकारी गराउनुभयो ।
यो बारेमा तपाईको प्रतिकृया