रामेछाप- नेपाल तरुण दल रामेछापले महामारीको रुपमा फैलिइ रहेको कोरोना भाइरस नियान्त्रणको लागि अग्रपक्तीमा रहेर काम गर्ने विभिन्न निकायलाई पिपिई उपलब्ध गराएको छ । दैनिक जसो नागरिकसँगै रहने ट्राफिक प्रहरी, नेपाल प्रहरी, एम्बुलेन्स चालक र पत्रकारलाई आफू सुरक्षित रहेर काम गर्न सकिने गरी सम्बन्धित स्थानमै पुगेर शुक्रबार २० थान पिपिइ निःशुल्क उपलब्ध गराएको हो ।
अग्रपक्तीमा रहेर काम गर्ने एम्बुलेन्स चालक, ट्राफिक प्रहरी, पत्रकार लगायतलाई उपलब्ध गराईएको पिपिईले उनिहरुको सुरक्षमा सहयोग पुग्ने तरुण दल रामेछापका अध्यक्ष काजी बहादुर खड्का दिनेशले बताउनुभयो ।
आम नागरिकको सुरक्षमा खटिने प्रहरीले, विरामीलाई अस्पताल सम्म पु¥याउने एम्बुलेन्स चालक र आम नागरिकमाझ सूचना प्रवाह गर्ने पत्रकारलाई पिपिई नहुँदा ढुक्का भएर काम गर्न नसकेको हुँदा उहाँको सुरक्षको लागि पिपिई उपलब्ध गराईएको तरुण दल रामेछापका उपाध्यक्ष बासु फुँयालले बताउनुभयो ।
ट्राफिक प्रहरी र नेपाल प्रहरीलाई १२ थान, एम्बुलेन्स चालकहरुलाई ५ थान र तीन पत्रकारलाई ३ थान गरी २० थान पिपिई वितरण गरेको तरुणदलले केही समय पछि थप पिपिई ल्याएर अत्यावश्यक क्षेत्रमा रहेर काम गर्ने व्यक्तिहरुलाई वितरण गर्ने समेत बताएको छ ।
यो बारेमा तपाईको प्रतिकृया