लकडाउनको समयमा रगत अभाव हुन नदिन खिम्तीमा ४० जनाले गरे रक्तदान

रामेछाप- कोरोना भाइरसका कारण देश लकडाउनमा रहेको समयमा जुनसुकै बेलापनि रगत अभाव हुन सक्ने भन्दै नेपाल जेसिज रामेछापले रक्तदान कार्यक्रमको आयोजना गरेको छ । नेपाल रेडक्रस सोसाईटी रामेछापको प्राविधिक सहयोगमा जिल्लाको लिखुतामाकोशी गाउँपालिका वडा नं ७ खिम्तीमा बुधबार रक्तदान कार्यक्रम गरिएको हो ।रगत अभावका कारण विरामीले ज्यान गुमाउन नपरोस भनेर स्थानीय संस्था राइजिङ युथ क्लब, पौरखी महिला समाज र प्याराडाईज युथ क्लबको समेत आयोजनामा गरिएको रक्तदान कार्यक्रममा ४० जना स्थानीय लगायत ले रक्तदान गरेको राइजिङ युथ क्लबका अध्यक्ष तथा जेसिज रामेछापका कार्यकारीणि उपाध्यक्ष जीवन कार्कीले बताउनुभयो ।

रक्तदान जस्तो महान कार्यमा सहयोग गर्ने सबै संघसंस्था रगत दान गर्ने सबैलाई धन्यबाद दिँदै अध्यक्ष कार्कीले आगामी दिनमा समेत यस्तो महान कार्यमा सहयोग गर्न सबैलाई अनुरोध समेत गर्नुभएको छ ।