रामेछाप- नेपाल तरुण दल रामेछापले मन्थली प्राथमिक स्वास्थ्य केन्द्रलाई व्यक्तिगत सुरक्षाका सामग्री उपलब्ध गराएको छ । कोरोना भाइरस नियन्त्रणको लागि अग्रपंक्तीमा रहेर काम गर्ने स्वास्थ्यकर्मीहरुका लागि नेपाल तरुण दल रामेछापले व्यक्तिगत स्वास्थ्य सुरक्षाका सामग्री उपलब्ध गराएको हो ।
नेपाल तरुण दल रामेछापका अध्यक्ष काजी बहादुर खड्का ‘दिनेश’ को उपस्थितिमा उपाध्यक्ष बासुदेव फुयालको संयोजकत्वमा मन्थली नगरपालिका वडा नम्बर १ का वडाध्यक्ष नारायणदश श्रेष्ठको रोहवरमा प्राथिमक स्वास्थ्य केन्द्रमै पुगेर सामग्री वितरण गरिएको तरुणदल रामेछापले बताएको छ ।
स्वास्थ्य केन्द्रमा उपचारका लागि आउने विरामीको ज्वोरा नाप्ने थर्मल गन १ थान, स्वास्थ्यकर्मीहरुका लागि एन– ९५ माक्स ३० थान, हात धुने सावुन ४ सय ८८ पिस (चार कटुन), हातमा लगाउने स्यानिटाइजर ५ पिस र किटनासक केमिकल २४ लिटर उपलब्ध गराईएको तरुण दल रामेछापका सहसचिव जीवन कार्कीले जानकारी दिनुभयो ।
मन्थली नगरपालिका वडा नम्बर १ का वडाध्यक्ष एवं मन्थली प्राथमिक स्वास्थ्य केन्द्रका अध्यक्ष नारायणदाश श्रेष्ठले सामग्री बुझ्दै विश्वभरी नै महामारीको रुपमा फैलिइएको कोरोना भाइरसबाट बच्नको लागि व्यक्तिगत स्वास्थ्य सुरक्षाका सामग्री उपलब्ध गराउने तरुणदललाई धन्यबाद दिँदै प्राप्त सामग्रीले स्वास्थ्यकर्मीलाई सहयोग पुगेको बताउनुभयो ।
नेपाल तरुणदल रामेछापले उपाध्यक्ष बासुदेव फुयालको संयोजकत्वमा यस अघि पनि नेपाल प्रहरी, स्वास्थ्यकर्मी, ट्राफिक प्रहरी र पत्रकारलाई गरी ४५ थान पीपीइ सेट वितरण गरीसकेको छ ।
यो बारेमा तपाईको प्रतिकृया