रामेछाप–रामेछाप जिल्लाको मन्थली नगरपालिका र अन्य कार्यालयका कर्मचारी सहितको परिक्षणका लागि भदौ १ गते पठाइएका ७९ जनाको पि सि आर रिपोर्ट नेगेटिभ आएको छ ।
यहि साउन २९ गते मन्थली नगपालिकाका १ जना स्वास्थ्य कर्मीलाई कोरोना संक्रमण पुष्टी भएपछि मन्थली नगरपालिकाको कार्यालय सिल गरी त्याहाका जनप्रतिनिधि र कर्मचारीहरु सहित अन्य कार्यालयका कर्मचारी, सुरक्षाकर्मी तथा स्वास्थ्य कर्मीहरु समेतको भदौ १ गते स्वाब संकलन गरि परिक्षणका लागि धुलिखेल पठाइएको थियो ।
मन्थली नगरपालिकाले आइताबार जारी गरेको सूचनामा आफ्नो पालिका, जिल्ला अदालत, स्वास्थ्य संस्थाहरु, जिल्ला आयोजना कार्यान्वयन इकाइ रामेछाप (जिमाली) जिल्ला प्रहरी कार्यालय रामेछाप लगाएतका कार्यालयका कर्मचारीहरु सहित ७९ जनको पि सि आर नमुना परीक्षणका लागि पठाइएकोमा मिति २०७७ भदौ ६ गते जिल्ला स्वास्थ्य कार्यालय रामेछाप बाट प्राप्त जानकारी अनुसार सबै जनाको रिपोर्ट नेगेटिभ (कोरोना संक्रमण नभएको) आएको कुरा उल्लेख गरिएको छ ।
यो बारेमा तपाईको प्रतिकृया