विश्वका विभिन्न मुलक लगायत नेपालमा समेत महामारीको रुपमा फैलिइ रहेको कोरोना भाइरस नियन्त्रणको लागि रामेछापको लिखुतामाकोशी गाउँपालिका वडा नं ७ तिल्पुङमा वडा कार्यालयले विभिन्न जनचेतना जगाउँदै स्थानीय नागरिकलाई सावुन वितरण गर्न थालेको छ ।
आइतबार वडा अध्यक्ष सुवास बोहरा सहितको टोली प्रत्येक नागरिकको घरमै पुगरे कोरोना नियन्त्रणको लागि लगाईएको लकडाउनलाई समेत पूर्ण रुपमा पालना गर्न अनुरोध गर्दै स्थानीय नागरिकालाई आफू र आफ्नो परिवारको सरसफइमा ध्यान दिन भन्दै सावुन वितरण गरेको हो ।
वडा कार्यालयको आर्थिक सहयोग तथा नेकपाको सहजीकरणमा नेपालमा समेत भित्रिसकेको कोरोना भाइरसको महामारीबाट बच्ने उपाय बताउँदै घरमै पुगेर जनचेतना जगाउन सुरु गरिएको वडाधाक्ष्य बोहराले बताउनुभयो । त्यस्तै वडामा आउन सक्ने विपत्तीलाई मध्यनजर गर्दै नवदर्शन मावि तिल्पुङमा वडा कार्यालयको आर्थिक सहयोग तथा नेकपाको सहजीकरणमा दश शैयाको क्वारेन्टाइन निर्माण गरिएको पनि वडाध्यक्ष बोहराले जानकारी दिनुभयो ।
वडाध्यक्ष बोहराले एक हजार तीन सय घरपरिवार रहेको तिल्पङका ४ हजार तीन सय सबै नागरिकलाई सरसफईमा ध्यान दिन आग्रह समेत गर्नुभयो । त्यैगरी वडाबासीलाई केही समस्या परेमा आफू र वडा सदस्यहरुलाई सम्पर्क गर्न अनुरोध गर्नुभएको छ ।
यो बारेमा तपाईको प्रतिकृया