रामेछाप, १३ पुष । ओखलढुंगा जिल्लाको लिखुपिके गाँउपालिकाको ढुँडेखोलामा निर्माणकार्य जारी रहेको आर सि सी पुल निर्धारीत समय भन्दा अगावै निर्माण कार्य सक्ने गरी तिव्र गतिमा काम भैरहेको छ ।
रामेछाप जिल्लाको लिखु तामाकोशी गाँउपालिकाको वडा नं–२ को सिरीसे बाट ओखलढुंगाको लिखुपिके गाँउपालिकाको टार केरावारी–गाम्नाङनटार–श्री चौर जोडने सडक लाई यस पुलले सहज बनाउने स्थानीयले बताएका छन् ।
स्वीस सरकार विकास नियोगको आर्थिक सहयोग तथा पूर्वाधार विकास कार्यालय ओखलढुंगा र स्थानीय सडक पुल आयोजनाको प्राविधिक सयहयोगमा मूल्य अभिबृद्धि कर सहित ४ करोड ८ लाख ४६ हजार ९ सय ६३ रुपैयाको लागतमा निर्माण गर्ने सम्झौता भई कार्य शुरु भएको थियो ।
सृजना अन्सुमान एसोसिएट जे भी काठमाण्डौले २०७६ चैत्र २९ गते २५ मिटर लम्वाई र ८.४ मिटर चौडाइको पुल २०७८ चैत्र २८ गते (दुईवर्ष) सम्ममा निर्माण कार्य सम्पन्न गर्ने गरी सम्झौता गरिएको भएपनि चालु आर्थिक वर्ष भित्रनै निर्माण कार्य सम्पन्न गर्नेगरी आफुले तिव्र गतिमा पुलको काम अगाडि बढाइरहेको निर्माण ब्यवसायि उद्धव दाहालले बताउनुभयो ।
उहाले निर्धारित सयम भन्दा अगावै निर्माण कर्य सम्पन्न गर्नका लागि स्थानीय वडा अध्यक्ष, गाँउपालिकाका अध्यक्ष, उपाध्यक्ष, पुर्वाधार विकास कार्यालय ओखलढुंगा र स्थानीय सडक पुल आयोजना लगाएत स्थानीय वासीहरुको समेत उल्लेख्य सहयोग रहेको पनि वताउनुभयो ।
यो बारेमा तपाईको प्रतिकृया