रामेछाप २९ माघ । शनिवार मन्थलीमा भएको नेपाल अङ्ग्रेजी भाषा शिक्षकहरूको सङ्गठन (नेल्टा) रामेछापको वार्षिक सभाले हस्त बहादुर लामाको अध्यक्षतामा नयाँ नेतृत्व चयन भएको छ । सदरमुकाम मन्थलीमा भएको वार्षिक साधारण सभाबाट लामा अध्यक्ष बने सँगै उपाध्यक्षमा गणेश श्रेष्ठ, सचिव बद्री अधिकारी, सहसचिव ऋषि कार्की र कोषाध्यक्षमा रमिता राय लामा लगायत कुल ११ सदस्यीय नयाँ कार्यसमिति चयन भएको हो ।
जिल्ला भरिका करिब डेढ सय जति नेपाल अङ्ग्रेजी भाषाका शिक्षक हरूको उल्लेखनीय सहभागितामा भएको उक्त वार्षिक साधारण सभाको उद्घाटन नेल्टा बागमती प्रदेशका अध्यक्ष रामेश्वर ठाकुरले एक औपचारिक कार्यक्रमका बिच गरेका थिए। कार्यक्रममा नेल्टा बागमती प्रदेशका सदस्य दीपक सिटौला, सहिद स्मृति बहुमुखी क्याम्पस मन्थलीका प्रमुख डा.भरत कुमार श्रेष्ठ, मन्थली माध्यमिक विद्यालयका प्रधानाध्यापक डा.टङ्क प्रसाद दहाल, तामाकोशी अङ्ग्रेजी माध्यमिक विद्यालयका प्रधानाध्यापक दीपक कुमार खड्का लगायतका वक्ताहरूले शुभकामना मन्तव्य राख्दै नेल्टाको विकासले मात्र आमा शिक्षकहरूको विकास सम्भव हुने बताएका थिए । सो क्रममा वक्ताहरूले पेसागत वृद्धि विकास सँगै अङ्ग्रेजी माध्यम बाट गुणस्तरीय शिक्षा दिन आफूहरूले कुनै कन्जुस्याइँ गर्न नहुने भन्दै शिक्षकहरूको भूमिका प्रभावकारी भए मात्र संस्थाको भूमिका प्रभावकारी हुने भन्दै यसका लागि नयाँ नेतृत्वलाई पनि गम्भीर भएर सकारात्मक तरिकारले लाग्न आग्रह गरेका थिए ।
यो बारेमा तपाईको प्रतिकृया