रामेछाप २० फागुन । सदरमुकाम मन्थली स्थित भैसेश्वर स्थित चन्द्रशेखरेश्वर मन्दिर लगाईएको श्रीमद्भागवत सप्ताह एवम् पाञ्चायन ज्ञान महायज्ञ विधिवत् रूपमा सकिएको छ । गत माघ ११ गते शुक्रवार अपराह्न भैसेश्वर मन्दिर स्थलमा भेला भएका भक्तजनहरूले तामाकोशी नदीदेखि मन्थली बजार हुँदै यज्ञ स्थल सम्म जल यात्रा गरी सुरु भएको महायज्ञ शनिवार विधिवत् रूपमा समापन भएको हो ।
सम्पूर्ण पितृहरूको मोक्ष सँगै ७७ वटै जिल्लामा महायज्ञको प्रचार प्रसार गराउने मुख्य उद्देश्यका साथ आयोजना गरिएको उक्त महायज्ञका क्रममा पण्डित दीपक सापकोटाले माहात्म्य र कथा वाचन गर्नू भएको थियो ।शिव शक्ति कल्याणी सहारा आश्रमको व्यवस्थापन तथा श्रीमद्भागवत सप्ताह एवम् पाञ्चायन ज्ञान महायज्ञको क्रममा देवीदेवता पूजन ज्ञान महायज्ञ मूल समारोह समितिको आयोजनामा भएको उक्त महायज्ञ अन्तर्गत एक हप्ता सम्म बिहान ८ बजे वाट बेलुकी ५ बजे सम्म नित्य पूजा सँगै भागबद्धको कथा प्रवचन र बेलुकी ८ बजे वाट राति १०बजेसम्म पनि आरती र हरिकीर्तनको कार्यक्रम सञ्चालन गरिएको थियो ।
कार्यक्रमको समापन सँगै व्यवस्थापन पक्षले उक्त महायज्ञको खर्चको विवरण पनि सार्वजनिक गरेको छ । उसले पण्डित टोली र सम्पूर्ण भक्तजनहरू समेतको रोहबरमा एक हप्ताका बिचमा भए गरेको आम्दानी र खर्चको विवरण सार्वजनिक गरेको छ । सो क्रममा खर्च विवरण सार्वजनिक गर्दै शिव शक्ति कल्याणी सहारा आश्रमका अध्यक्ष कुमार श्रेष्ठले महायज्ञका क्रममा कुल ३ लाख २ हजार ७ सय रुपैयाँ आम्दानी भएको जानकारी दिनु भयो ।
आम भक्तजनहरूबाट उठेको रकम बाट पण्डित टोलीका लागि १ लाख ९४ हजार ८ सय ८० रुपैयाँ र मण्वका लागि आवश्यक अन्य सामाग्रीका लागि कुल ३८ हजार १ सय ९३ रुपैयाँ खर्च भएको विवरण पनि सार्वजनिक गर्नुका साथै सबै खर्च कटाएर यज्ञबाट संस्थालाई कुल ६९ हजार ७२ हजार रुपैयाँ नाफा भएको जानकारी पनि अध्यक्ष श्रेष्ठले गराउनु भयो । सो क्रममा उहाँले नगद बाहेक पण्डित टोलीका लागि उठेको र सङ्कलित खाद्यान्न तथा अन्य सामाग्रीको विवरण पनि सार्वजनिक गर्नु भएको थियो ।महायज्ञको उद्घाटन रामेछाप नगर पालिकाका प्रमुख लव श्री न्यौपानेले एक औपचारिक कार्यक्रमका बिच गर्नू भएको थियो ।
यो बारेमा तपाईको प्रतिकृया