रामेछाप ३० फागुन । खिम्ति ग्रामीण विद्युत् सहकारी संस्था लिमिटेडले आफ्नो १२ वार्षिक साधारण सभा सम्पन्न गरेको छ । उसले बागमती प्रदेशका सांसद तारा नारायण श्रेष्ठलाई प्रमुख अतिथि बनाएर साधारण सभा गरेको हो । उसले सरकारी नियम विरुद्ध पुस मसान्त सम्म सकी सक्नु पर्ने साधारण सभा फागुनको २९ गते सम्पन्न गरेको छ ।
यस अघि आफ्नो कार्यक्षेत्रको २ ठाउँमा साधारण सभा गरेको उक्त सहकारी दोलखा र रामेछाप जिल्लाको गरी ५ स्थानीय तहको १४ वटा वडामा फैलिएको उक्त सहकारीका शेयर सदस्य ७ हजार र ११ हजार जना विद्युत् सेवाका उपभोक्ता ग्राहक रहेका छन् ।
उक्त सहकारीले गत आवमा २ करोड ४८ लाख ९५ रुपैयाँ मुनाफा कमाएको थियो भने चालु आवमा पनि २ करोड भन्दा बढी २ मुनाफा कमाउने अनुमान पनि कोषाध्यक्षको प्रतिवेदनले गरेको छ ।
१२ वर्ष अघि हिमाल पावर लिमिटेडले स्थानीय सरोकारवालाहरूको सुविधालाई ध्यानमा राखी सञ्चालनमा ल्याएको हो । सो क्रममा संस्थाले आफ्ना उत्कृष्ट शेयर सदस्य तथा कर्मचारीहरूलाई सम्मान परि गरेको थियो ।
फागुन महिनाको २७ गते सङ्घीय सांसद पार्वत गुरुङ र २८ गते सङ्घीय सांसद पूर्ण बहादुर तामाङलाई प्रमुख अतिथि बनाएर छुट्टा छुट्टै क्षेत्रमा साधारण सभा गरेको संस्थाले बुधवार भने किर्नेटार स्थित आफनै कार्यालय परिसरमा साधारण सभा सम्पन्न गरेको हो ।
संस्थाका अध्यक्ष शेर बहादुर खड्काको अध्यक्षतामा भएको उक्त साधारण सभामा बागमती परदेश सभाका पूर्व सदस्य शान्ति प्रसाद पौडेल, तामाकोशी गाउँपालिका अध्यक्ष प्रोण प्रताप केसी,उपाध्यक्ष सृजना खड्का सुवेदी ,रामेछाप जिल्ला सहकारी सङ्घका अध्यक्ष हिमाल ढुङ्गेल,दोलखा र रामेछाप जिल्लाका नेपाली काँग्रेस,नेकपा एमाले,नेकपा माओवादी केन्द्र रास्वपा ,राप्रपा लगायतका विभिन्न पार्टिका गरी एक दर्जन भन्दा बढी नेताहरूले सहकारीको अवस्था विकास र भावी दिनमा गर्नु पर्ने कामका बारेमा आ आफ्नो धारणा राखेका थिए ।
साधारण सभाले अध्यक्ष शेर बहादुर खड्काको प्रतिवेदन सचिव को प्रतिवेदन र कोषाध्यक्ष धिरज सुवेदी र लेखा तथा सुपरिवेक्षण समितिका संयोजक सुमन चौहान माइकल द्धार प्रस्तुत प्रतिवेदन पनि सर्व सम्मत रूपमा पारित गरेको थियो ।
यो बारेमा तपाईको प्रतिकृया