मन्थली नगरपालिकाले दियो आगलागी पीडितलाई जस्ता पाता

रामेछाप । आगलागि भएको भोलीपल्ट रामेछाप नगरपालिका–९ टारका १३ घर पीडितहरु घटना स्थलमानै पुगेर चामल लगायत विभिन्न खाद्यन्न सामाग्रि सहयोग गरेको मन्थली नगरपालिकाले सोमबार विहान पुनः उनिहरुको घर दैलोमा पुगेर जस्ता पाता सहयोग गरेको छ । मन्थली नगरपालिकाका प्रवक्ता गोपाल श्रेष्ठको नेतृत्वमा विपत् व्यवस्थापन समितिका संयोजक कृष्णगोपाल थापा लगायत कर्मचारी र सँचारकर्मिहरु हरूकोे टोलीले सोमबार विहानै आगलागी प्रभावित बस्तिका पीडितहरुको दैलोमानै पुगेर सहयोग स्वरुप जस्ता पात उपलब्ध गराएको हो ।
नगरपालिकाले पीडित परिवारलाई सोमबार प्रति परिवार दुई बन्डलका दरले छाना छाउने जस्ता पाता उपलब्ध गराएको हो । राहत लिनका लागि भेला भएका पीडित परिवारहरुलाई जस्ता पाता प्रदान गर्दे नगरपालिका प्रवक्ता एवं वडा नं ८ का वडाध्यक्ष गोपाल श्रेष्ठले छिमेकी नगरपालीका भएको नाताले एकलाई पर्दा अर्काे छिमिेकिले सहयोग गर्नु मानविय धर्म भएको र भाईचाराको नाताले मन्थली नगरपालिकाले सामान्य भएपनि सहयोग गरेको र आवश्यक परे सकेको सहयोग गर्न मन्थली नगरपालिका अझै तयार रहेका वताएका थिए ।
रामेछाप नगरपालिका–९ का वडाध्यक्ष चन्द्रबहादुर श्रेष्ठ समेतको रोहबरमा मन्थली नगरपालिका विपत् व्यवस्थापन समिति संयोजक एवं वडा नं ३ का अध्यक्ष कृष्णगोपाल थापाले पनि पीडितहरुलाई जस्ता पाता प्रदान गर्दे आगलागीबाट जोगिन गाउँलेहरुले घर वरपर झाडि र पत्करजन्य सामाग्रि नराख्नका लागि पनि अनुरोध गरेका थिए ।
गत विहिवार नजिकैको जङ्गलमा लागेको आगो गाउँमा पसेपछि गाउँका १३ घर संगै १४ वटा गोठ जलेर नष्ट भएका थिए । आगलागीबाट धनमाल र पशु बस्तु क्षति भए पनि मानवीय क्षति भने हुन पाएन । आगलागीमा परी ६० भन्दा बढी बाख्रा दुई वटा भैँसी लगायतका पशु बस्तु समेत मरेका थिए ।
सोमबार मन्थली नगरपालिकाले जस्ता पाता सहयोग गरेसंगै भोलिपल्ट नेकपा एमाले रामेछाप, रामेछाप रेडक्रस र विभिन्न सहयोगि ब्यक्ति र संस्थाहरुले आगलागी भएको भोलिपल्टै खाद्यान्न लगाएको सामान सहयोग गरेका थिए भने जिल्ला विपत् व्यवस्थापन समितिले ३० हजारका दरले र रामेछाप नगरपालिकाले प्रतिपरिवार १५ हजारका दरले नगद सहयोग गर्ने निर्णय गरेकोले उनिहरुलाई तत्कालका लागि निकै राहत भएको पनि वडा अध्यक्ष चन्द्र वहादुर श्रेष्ठले जानकारी गराए । उनले पछिल्लो समयमा खाद्यान्न, कपडा र अन्य सामाग्रीहरू जुट्न लागेका भए पनि पीडितहरुका लागि स्थायी आवास निर्माण गर्नु भने उनिहरु र वडाका लागि समेत मुख्य चुनौतीको विषय भएकोेले यस तर्फ सबैको ध्यानाकर्षण पनि गराए ।