रामेछाप १० चैत । जिल्लाको पहिलो निजी विद्यालयको रूपमा स्थापित मन्थलीको लिटिल स्टार वोर्डिङ्ग स्कुलले पहिलो पल्ट आफ्ना अविभावकहरुलाई समेतलाई सँगै राखेर एसइईमा सामेल हुन लागेका आफ्ना विद्यार्थिहरुको औपचारिक रूपमा बिदाइ गरेको छ ।
नजिकिँदै गरेको एसइई परीक्षामा विद्यार्थिहरुले उँचो मनोबलका साथ परीक्षामा सहभागी भई राम्रो अङ्क ल्याउन सकुन् र विद्यालय परिवार र समाज प्रति दायित्व बोध गर्न सकुन् भन्ने उद्देश्यले अभिभावक सहित राखेर पहिलो पटक विद्यार्थिहरुको औपचारिक बिदाइ गरिएको हो ।
कार्यक्रमको प्रमुख अतिथिका रूपमा रहेका नेपाल पत्रकार महाँसंघ रामेछापका जिल्ला अध्यक्ष बद्री नयाँघरेले बिदाइ हुन लागेका विद्यार्थिहरुलाई अब्बल नतिजा आउने गरी एसइईमा सामेल हुन आग्रह गरे । उनले जिल्लामा पुरानो निजी विद्यालयको रूपमा आफ्नो विशिष्ट योगदान गरेको डिलिट स्टार वोर्डिङ्ग स्कुलका लागि भावी दिनमा अरू अब्बल रूपमा प्रस्तुत हुनु पर्ने कार्यत्व काँधमा आएको बताए । उनले भने – जिल्लामा निजी विद्यालयको धारणा मार्फत गुणस्तरीय शिक्षाको चेतना दिलाएर अविभावकहरुको मन जितेको यस विद्यालयलाई थप जिम्मेवार भएर अगाडि बढ्न आग्रह गरे । उनले आफ्नो ईतिहाँस बाचाई राख्नका लागि पनि विद्यालयका लागि नयाँ आयमका साथ अगाडि बढ्नु पर्ने चुनौती रहेको भन्दै यसमा सञ्चार क्षेत्रको पनि पूर्ण समर्थन रहने आश्वासन दिए ।
सो अवसरमा विद्यालयका प्रिन्सिपल रमेश फुयाँलले – बिदाइ हुन लागेका विद्यार्थिहरुको सुखद भविष्यको कामना सहित परीक्षामा सबै विद्यार्थिहरुलाई उत्कृष्ट अङ्क ल्याएर विद्यालय र जिल्लाको शिर उँचो बनाउन आग्रह गरे । उनले अभिभावक र विद्यालयले आफ्ना लागि गरेको लगानी र योगदानका बारेमा विद्यार्थिहरुलाई सकरात्मक भावना पैदा गराएर उच्च शिक्षा हाँसिलका क्रममा पनि विद्यार्थिहरुलाई थप प्रेरणा मिलोस भन्ने मुख्य अभिप्रायले पनि विद्यालयले अभिभावक सहितको रोहबरमा बिदाइ कार्यक्रमको आयोजना गरेको बताए ।
विद्यालयका लागि अभिभावक भगवान् जत्तिकै भएको र आफ्ना वाल बालिकाको परीक्षा तयारी र विद्यालय सँगै अभिभावक हरूको अपेक्षाका बारेमा साझा बुझाई होस भन्नका लागि पनि यस खालको कार्यक्रमको आयोजना गरिएको पनि फुयाँलेले जानकारी गराए । उनले विद्यालयका लागि पुरानो ईतिहाँसलाई जोगाई राख्नका लागि पनि विद्यालयले आफ्नो शैक्षिक गतिविधिलाई थप गुणस्तरीय संस्कारी र समयानुकूल बनाउँदै जाने र त्यसका लागि कुनै पनि कसुर बाँकी नराख्ने लक्ष्य रहेको कुरा अविभावकहरु समेतलाई जानकारी होस भन्नका लागि पनि अभिभावक समेतलाई राखेर कार्यक्रमको आयोजना गरिएको पनि प्रिन्सिपल फुयाँलेले बताए ।
आफूहरू विद्यालयको संस्थागत विकास सँगै विद्यार्थिहरुको भविष्यको लागि सचेत रहेकोले संस्कार सहितको शिक्षा र विद्यालयबाट प्रवाह गर्ने सेवा सुविधामा विद्यालयले कुनै पनि कमी हुन नदिने विश्वास पनि फुयाँलले दिलाए ।
कार्यक्रमको अध्यक्ष समेत रहेका प्रिन्सिपल फुयाँलले विद्यालयको अभियानमा विद्यार्थी अभिभावक र सबै खाले सरोकारवाला निकायहरू समेतलाई साथ दिन पनि उनले आग्रह गरे । पुरानो विद्यालय भएको नातले यसको ईतिहाँस लाई जीवन्त बनाई राख्नका लागि पनि विद्यालय प्रशासनले विद्यालयको वातावरण लाई विद्यार्थी,अभिभावक र शिक्षक मैत्री बनाउँदै यो बिचमा आएका समस्यालाई समन्वयात्मक तरिकाले समाधान गर्दे जाने कुरामा पनि विद्यालयले कुनै पनि कमी हुन नदिने प्रिन्सिपल फुयाँलले प्रतिबद्धता व्यक्त गरे ।
सो अवसरमा गत वर्षको एसइईमा जिल्लामा उत्कृष्ट अङ्क ल्याउने विद्यालयकी छात्रा गृष्मा कार्की निजकी आमा गोमा कार्की र पुरानो शिक्षक राधा सुवेदीलाई पनि विद्यालयले सम्मान पत्र र दोसल्ला सहित सम्मान गरेको थियो । कार्यक्रमका अवसरमा बिदाइ हुन लागेका विद्यार्थिहरुले पनि प्रवचन मार्फत विद्यालयले आफूहरूका लागी गरेको योगदान प्रति धन्यवाद दिँदै आगामी दिनमा पनि अरू मेहनत गरेर अगाडि बढ्ने बताएका थिए । सो अवसरमा विद्यार्थिहरुले विभिन्न कला र गलाको माध्यमबाट पनि कार्यक्रमलाई मनोरञ्जन मय बनाएका थिए ।
कार्यक्रमका क्रममा अभिभावक एवं सामाजिक अभियन्ता सुन्दर घिमिरे,विद्यालयका सहायक प्रधानाध्यापक हस्त लामा र शिक्षक तीर्थराज बराल नेपाल पत्रकार महासङ्घका उपाध्यक्ष तथा शिक्षक कैलाश खत्री लगायतले विद्यार्थिहरुलाई सुखद भविष्यको कामना गर्दे अविभावकहरु र विद्यालय बिचको सुमधुर सम्बन्धले मात्र संस्कार सहितको गुणस्तरीय शिक्षा प्रवाहमा सहज हुने विश्वास व्यक्त गर्दे विद्यालयको विकासका लागि आफूहरू पनि सदैव सहयोग गर्न तयार रहेको बताएका थिए ।
यो बारेमा तपाईको प्रतिकृया