रामेछाप १८ वैशाख । जिल्ला प्रशासन कार्यालय रामेछापले चालु आवमा २ करोड ९१ लाख राजश्व सङ्कलन गरेको छ । उसले चालु आव २०८०÷०८१ को साउनदेखि चैत्र मसान्त सम्म नौ महिनाको अवधिमा विभिन्न शीर्षकमा गरी उक्त राजश्व सङ्कलन गर्न सफल भएको हो ।
जिल्ला प्रशासन कार्यालय रामेछापका सूचना अधिकारी प्रकाश प्रधानका अनुसार कार्यालयले सेवा प्रवाहका क्रममा न्यायिक दण्ड,जरिवाना, जफत शुल्क,कम्पनी राहदानी शुल्क,संस्था रजिष्टे«शन नवीकरण लगायत विभिन्न शीर्षकमा गरी उक्त राजस्व सङ्कलन गरेको हो ।
राजस्व सङ्कलन भएका विभिन्न शीर्षक मध्य कार्यालयले सबै भन्दा बढी राहदानी वितरणका क्रममा राजश्व सङ्कलन गरेको छ । जस मध्य राहदानी वितरणबाट २ करोड ८७ लाख रुपैयाँ राजश्व सङ्कलन भएको जिल्ला प्रशासन कार्यालयले जनाएको छ ।
त्यसैगरि सो क्रममा जिल्ला प्रशासन कार्यालयले आफ्ना सेवाग्राहीहरूका लागि नेपाली नागरिकता प्रमाणपत्र ७ हजार ५ सय,नागरिकता प्रतिलिपि १० हजार,वैवाहिक अङ्गीकृत नागरिकता ८,गैह्र आवासीय नेपाली नागरिकता ९ र १३ जनाले नागरिकता परित्याग गरेको जानकारी पनि कार्यालयले गराएको छ ।
यस अवधिमा कुल ५ हजार ९ सय ९३ जनाले राहदानी बनाएका छन् भने राष्ट्रिय परिचय पत्रका लागी ९ हजार १४ जनाले आवेदन दिएको कार्यालयका सूचना अधिकारी प्रकाश प्रधानले बताए । यो सँगै कार्यालयले आफ्ना सेवा ग्राहीहरूका लागि प्रदान गर्ने सबै सेवालाई पनि सरल र सहज बनाएको छ ।जसका कारण कार्यालयमा पुग्ने जो सुकै सेवाग्राहीहरूलाई पनि छोटो समयमा काम लिन सजिलो भएको पनि प्रशासन कार्यालयले जनाएको छ ।
यो बारेमा तपाईको प्रतिकृया