आगोले रामेछापमा एक घर सहित सात वटा गोठ जले

यस पटक अत्यधिक रूपमा आगलागी बाट आक्रान्त बनेको रामेछाप नगरपालिकामा आज पनि आगलागी भएको छ । आज भएको आगलागीबाट  रामेछाप नगरपालिका वडा नं ९  ल्याङ्गल्याङ्गको गोल्मटारमा  एक घर सहित सात वटा गोठ जलेको छ ।  आगलागीबाट स्थानीय मकर भुजेलको घर जलेको हो ।

वडा अध्यक्ष चन्द्र बहादुर श्रेष्ठले दिएको जानकारी अनुसार बस्ती नजिकैको वनमा लागेको आगोले दुई कोठे भूकम्प प्रतिरोधी घर जलेको छ  । त्यसैगरि वडा नं ९ कै भिर पानी र गोल्मटारमा गरी आज मात्रै आगलागी बाट  सात वटा गोठ पनि जलेको छ । आगोले घर र गोठ सँगै भित्र राखेको सामान पनि जलेर नष्ट भएको छ ।