नगर र गाउँपालिका मात्र हैन चालु आवमा वडा भित्र सञ्चालन भएका विकास काम र आफूहरू प्रति नागरिकहरूका गुनासा भए हाका हाकि सुन्ने र जवाफ दिने मुख्य उद्देश्यले रामेछाप नगरपालिका वडा नं ८ ले शुक्रवार आफ्नो कार्यालय परिसर भित्र सार्वजनिक सुनुवाइ कार्यक्रम सञ्चालन गरेको छ ।
आर्थिक वर्ष २०८०÷८१ को सुरुदेखि हालसम्म सञ्चालन भएका वडा भित्रका विकास निर्माण र सेवा प्रवाहका बारेमा सार्वजनिक सुनुवाइ कार्यक्रम मार्फत सार्वजनिक गरी सेवा र विकासका बारेमा नागरिकहरूका गुनासा भए,सुनुवाइ गरी त्यसको हाकाहाकी जवाफ दिने उद्देश्यले वडा कार्यालयले शुक्रबा सार्वजनिक सुनुवाइ कार्यक्रम सम्पन्न गरेको हो । सार्वजनिक सुनुवाइ कार्यक्रममा वडाले प्रवाह गरिरहेको सेवा तथा विकास आयोजनाहरूको बारेमा वडाका सचिव दिपा बरालले वस्तुगत रूपमा प्रस्तुत गरेकी थिइन् ।
वडा कार्यालयले व्यवस्थित रूपमा प्रस्तुत गरेको प्रतिवेदनले चालु आबको हालसम्म भए गरेका कामको फेहरिस्त प्रस्तुत गरेका थियो । उसले यस अव अवधिमा ६ लाख ६६ हजार ६ सय १५ रुपैयाँ राजश्व सङ्कलन गरेको छ । सार्वजनिक सुनुवाइ कार्यक्रममा नागरिकहरूले कृषि,पशुपालन,सडक,खानेपानी सहित विभिन्न विषयहरूमा रहेर प्रश्न,जिज्ञासा र गुनासोहरु राखेका थिए । सहभागीहरूको प्रश्नको जवाफ वडा नं ८ का वडाध्यक्ष सन्तोष तामाङले दिनुभएको थियो ।
सार्वजनिक सुनुवाइ कार्यक्रममा वडावासीहरूले वडा भित्र सञ्चालन भएका विकास निर्माणका काम र सेवा प्रवाहको केही सवालमा वडा अध्यक्ष सँग सवाल माग गरेका थिए । सो अवसरमा वडा अध्यक्ष सन्तोष तामाडले सार्वजनिक सुनुवाइ कार्यक्रममा नागरिकहरूको प्रश्नको जवाफ दिँदै उहाँले वडावासीको आवश्यकता,चाहना र माग अनुसार नै आफूले काम गर्दै आएको जवाफ दिएका थिए । सो क्रममा उनले वडाबाट प्रवाह भइरहेको हरेक काममा नागरीहरूले जति बेला र जुनसुकै समयमा पनि सुझाव दिन सक्ने पनि बताएका थिए ।
रामेछाप नगरपालिकाका प्रमुख लबश्री न्यौपानेको प्रमुख आतिथ्य तामा भएको सार्वजनिक सुनुवाइ कार्यक्रममा उपप्रमुख बाल कुमारी,प्रमुख प्रशासकीय अधिकृत मित्र प्रसाद घिमिरे, नेपाल पत्रकार महासङ्घका जिल्ला अध्यक्ष वदी नयाँघरे नेपाली काँग्रेसका नगर उप सभापति केदार कार्की,नेकपा माओवादी केन्द्रका नगर उपसभापति सरोज कटुवाल, लगायतले वडा स्तरमा भएको सार्वजनिक सुनुवाइ कार्यक्रमले वडाले गरेको कामको पारदर्शी सेवा र सुशासनमा टेवा पुग्ने भन्दै अरू वडा वडा कार्यालयले पनि यस खालको सार्वजनिक सुनुवाइ कार्यक्रम गर्नका लागि सुझाव दिएका थिए ।
यो बारेमा तपाईको प्रतिकृया