रामेछाप १६ । जनस्वास्थ्य कार्यालय रामेछापले जिल्लाका सञ्चार माध्यमका प्रतिनिधिहरूका बिच अन्तरक्रिया कार्यक्रम गरेको छ । आइतबार उसले सदरमुकाम मन्थलीमा एक कार्यक्रमको आयोजना गरी स्वास्थ्य कार्यालयले जनस्वास्थ्य कार्यालय मार्फत गत वर्ष गरेको कार्यक्रम र चालु आर्थिक वर्ष २०८१÷०८२ मा सञ्चालन हुने कार्यक्रमहरू र त्यसको कार्यान्वयनको अवस्थाका बारेमा जानकारी गराएको छ ।
अन्तरक्रिया कार्यक्रममा जनस्वास्थ्य कार्यालय रामेछापका प्रमुख एवं वरिष्ठ जन स्वास्थ्य अधिकृत जितेन्द्र शाहले जनस्वास्थ्य कार्यालय रामेछाप मार्फत जिल्लामा सञ्चालन भइरहेको कार्यक्रमहरूको बारेमा जानकारी गराउनुका साथै त्यसबाट समाजमा परेको प्रभावका बारेमा आफ्नो प्रस्तुति गर्नु भएको थियो । कार्यक्रमका अवसरमा सहभागी सञ्चार कर्मीहरूले जन स्वास्थ्य कार्यालयका विभिन्न कार्यक्रमहरूको प्रभावकारिता तथा र तिनको अवस्थाका बारेमा कार्यालय सँग जानकारी माग गरेका थिए ।
सो अवसरमा उनीहरूले जन स्वास्थ्य कार्यालयले सञ्चालन गर्दे आएका कार्यक्रमहरू मध्य बढ्दो मात्रामा रहेको आत्महत्याका घटना रोकथाम तथा नसर्ने रोगको समस्या कम गर्नका लागि जनस्वास्थ्य कार्यालयको भूमिकाका बारेमा पनि प्रश्न गरेका थिए ।
सो अवसरमा सहभागी सञ्चारकर्मीहरूले आत्मा हत्या तथा मातृ तथा नवजात शिशु मृत्यु कम गर्नका लागि सञ्चालित आमा सुरक्षा कार्यक्रम प्रभावकारी हुन नसक्दा रामेछापमा अहिले पनि गर्भवती तथा सुत्केरी आमाको ज्यान जाने जस्ता घटनाहरू भइरहेको भन्दै त्यस बारेमा कार्यालयको ध्यानाकर्षण गराएका थिए ।
सो अवसरमा उनीहरूले पछिल्लो समयमा अत्यधिक रुपम दुर्घटना हुने गरेको भन्दै कम्तीमा दुर्घटना हुँदा घटना स्थलमै स्वास्थ्यकर्मी पुगेर घाइतेहरूको उपचार गर्ने व्यवस्था लागि भूमिका खेल्नका लागि पनि जनस्वास्थ्य कार्यालय सँग आग्रह गरेका थिए । अन्तरक्रिया कार्यक्रममा जिल्ला भित्र रहेका करिब ३ दर्जन जति सञ्चार माध्यमका प्रतिनिधिहरू सहभागी भएका थिए ।
यो बारेमा तपाईको प्रतिकृया