रामेछाप । जिल्लाको अग्रणी सहकारी संस्था मन्थली बचत तथा ऋण सहकारी संस्थाले स्थापना दिवसको अवसर पारेर ९० जना आफ्ना शेयर सदस्यलाई विद्युतीय चुलो वितरण गरेको छ ।
आइतबार जिल्ला समन्वय समिति रामेछापकी प्रमुख चिना खड्काले मन्थली स्थित तीन लाल पार्कमा पानसमा बत्ती बालेर सहकारीले २८ औँ स्थापना दिवसको विधिवत् रूपमा उद्घाटन गरेकी थिइन् । सो अवसरमा प्रमुख अतिथि कार्कीले संस्थाले छनौट गरेका ती सदस्यहरूलाई विद्युतीय चुल्हो वितरण गरेकी हुन् । सो अवसरमा उनले विद्युतीय चुल्हो पाउने सबै शेयर सदस्यहरूलाई वधाई दिँदै जिल्लाको सहकारी विकासमा मन्थली बचतले पुर्याएको योगदानका बारेमा पनि खुलेर प्रशंसा गरेकी थिइन् ।
सहकारीका अध्यक्ष गोविन्द प्रसाद घिमिरेको अध्यक्षतामा भएको उक्त कार्यक्रममा मन्थली नगर प्रमुख लव श्रेष्ठ,रामेछाप नगर प्रमुख लव श्री न्यौपाने मन्थली १ का वडा अध्यक्ष रामहरि पौडेल,जिल्ला बचत तथा सहकारी संस्थाका अध्यक्ष जगन्नाथ दाहाल लगायतका वक्ताहरूले मन्थली साकोसले २८ वर्षको पिरियडमा गरेको कामबाट अन्य सहकारीहरूले पनि सिक्नु पर्ने भन्दै अग्रणी सहकारी भएको नाताले सहकारीको विकासमा पनि उसको भूमिका थप महत्त्वपूर्ण हुने विश्वास गरेका थिए । संस्थाले संस्थामा रहेर नियमित बचत गर्नै सदस्यहरू मध्यबाट ९० जना सदस्यहरूलाईविद्युतीय चुलो प्रदान गरिएको र यस कार्यलाई आगामी वर्ष पनि नियमित गर्दै जाने पनि सहकारीले जनाएको छ ।
सहकारीले स्थापना दिवसमा उत्कृष्ट बचत कर्ता ५ जना, उत्कृष्ट बाल बचत कर्ता ५ जना, उत्कृष्ट ऋणी ५ जना र अन्य ७५ जना सदस्यलाई पनि विद्युतीय चुलो प्रदान गरिए थियो ।
सस्थाले २४ जना कर्मचारी मध्येबाट उत्कृष्ट एक जना कर्मचारीलाई नगद पाँच हजार सहित सम्मान गरेको छ । अहिले मन्थली बचतको झन्डै १७ हजार जना शेयर सदस्य रहेका छन् । कुल १६ हजार ९४५ जना शेयर सदस्य रहेको मन्थली बचतको एक अर्ब ३७ करोड ६५ लाख एक हजार ७५६ रुपैयाँको कूल सम्पत्ति रहेको छ । नौ करोड ४३ लाख १५ हजार ९०० पैयाँ शेयर पुँजी रहेको मन्थली बचतले ७८ करोड ९७ लाख ९५ हजार १७४ रुपैयाँ ऋण लगानी गरेको छ । यो सहकारीको एक अर्ब ५ करोड ८५ लाख ६३ हजार १४९ रुपैयाँ बचत गर्न सफल भएको छ ।
२०५० सालमा तामाकोसी सेवा समितिका ११ जना कर्मचारीहरूको रु १–१ हजार सञ्चालन गरी सुरु भएको थियो । यो सहकारीले अहिले जिल्लाका दुई नगरपालिका तथा ६ वटै गाउँपालिकाको ६४ वटै वडा आफ्नो कार्यक्षेत्र विस्तार गरेको छ । संस्थाले आफ्ना जीवित संस्थापक हरू समेतलाई कार्यक्रममा सहभागी गराएको थियो ।
मन्थली बचतले स्थापन दिवसमा दियो ९० जना शेयर सदस्यलाई विद्युतीय चुलो
यो बारेमा तपाईको प्रतिकृया