रामेछाप । जिल्लाका ८ वटा स्थानीय तहहरू मध्य मन्थली नगरपालिका आर्थिक वर्ष २०८०÷८१ को आफ्नो कार्यसम्पादन मूल्याङ्कनमा पहिलो हुँदा रामेछाप नगरपालिका दोस्रो र खाँडादेवी गाउँपालिकाको अवस्था भने सबै भन्दा कमजोर देखिएको छ
प्राकृतिक स्रोत तथा वित्त आयोगले देशभरका स्थानीय सरकारहरूको कामका मुल्यँकनका आधारमा प्रकाशित परिणामका आधारमा मन्थली नगरपालिका जिल्लाका सबै पालिकाहरूलाई उछिन्दै आफ्नो कार्य सम्पादन मूल्याङ्कनमा पहिलो भएको हो ।
प्राकृतिक स्रोत तथा वित्त आयोगको आर्थिक वर्ष २०८०÷८१ को कार्य सम्पादन मूल्याङ्कनको प्रारम्भिक नतिजा अनुसार मन्थली नगरपालिकाले कुल पूर्णाङ्कको ७०.०७ अङ्क प्राप्त गरेर पहिलो र रामेछाप नगरपालिका कुल पूर्णाङ्कको ६९.०९ अङ्क प्राप्त गरी दोस्रो स्थान प्राप्त गर्न सफल भएको छ ।
त्यसैगरि उक्त मूल्याङ्कनले पालिका तर्फ सुनापति गाउँपालिका कुल पूर्णाङ्कको ६४.०७ अङ्क प्राप्त गर्दै तेस्रो बनेको छ भने उमाकुण्ड गाउँपालिकाले कुल पूर्णाङ्कका ६२ अङ्क प्राप्त गरी चौथो तथा लिखुतामाकोशी गाउँपालिका ५८.०१ अङ्क प्राप्त गरी पाँचौँ स्थान लिन सफल भएका छन् ।
बाँकी रहेका पालिका मध्ये गोकुलगंगा गाउँपालिका कुल पूर्णाङ्कको ५७.०३ अङ्क प्राप्त गरी छैटौँ, दोरम्बा शैलुङ्ग गाउँपालिका ५४.०२ अङ्क प्राप्त गरी सातौँ र खाँडादेवी गाउँपालिका ४१.१ अङ्क प्राप्त गर्दै अन्तिम तथा जिल्ला भरिमा आठौँ श्रेणिमा परेको विवरण आयोगद्धारा प्रकाशित आफ्नो कार्यसम्पादन मूल्याङ्कनमा उल्लेख गरिएको छ ।
प्रकाशित नतिजाप्रति चित्त नबुझेमा चित्त नबुझेको पालिकाहरूले प्रदेश तथा स्थानीय तहको कार्यसम्पादन मूल्याङ्कन कार्यविधि २०७८ को दफा ७ को अधीनमा रही सोही कार्यविधिको दफा ९ अनुसार नतिजा प्रकाशित भएको मितिले ७ दिनभित्र आवश्यक प्रमाण सहित पुनरावलोकनका लागि आयोग समक्ष अनुसूची ५ को ढाँचामा अनुसार लिखित निवेदन दिन सक्ने ब्यहोरा पनि उल्ल्ख गरिएको छ ।
यो बारेमा तपाईको प्रतिकृया