सत्यनारायण बहादुर श्रेष्ठको सम्झनामा रामेछापमा फोनिजको संवाद

रामेछाप । नेपाल आदीवासी जनजाति पत्रकार महासँघ (फोनिज )ले नेपाल पत्रकार महासंघका संस्थापक अध्यक्षका रुपमा स्वीकार्दे आएको सत्यनारायण बहादुर श्रेष्ठको सम्झनामा ११० औँ जन्म जयन्ती मनाएको छ । (फोनिज) रामेछापले आइतबार मन्थलीमा एक औपचारक कार्यक्रमको आयोजना गरि स्वर्गिय श्रेष्ठको जन्म जयन्ति मनाएको हो । सो अवसरमा गत भदौ २३ र २४ गते भएको नव युवा आन्दोलनको पृष्ठभूमि, यसको राजनीतिक प्रभाव र त्यसमा जिल्लाको जिम्मेवार पक्षलाई जवाफदेहि बक्ताका रुपमा उभ्याएर फोनिजले परिवर्तित सन्दर्भमा आफनो जिम्मेवारी पुरा गरेको थियो ।
जिल्लामा क्रियाशिल पुर्वक काम गर्दै आएको फोनिजले विभिन्न प्रमाण र आधार भएरु पनि नेपाल पत्रकार महासँघ केन्द्रिय समितिले सँस्थापक अध्यक्षका रुपमा स्वीकार्न नसकेको ब्यक्ति स्वर्गिय सत्यनारायण बहादुर श्रेष्ठको बारेमा प्राप्त प्रमाणहरु पनि सो अवसरमा प्रस्तुत गरिएको थियो । कार्यक्रममा नेपाल आदीवासी जनजाति पत्रकार महासँघ (फोनिज )का वागमति प्रदेशका अध्यक्ष युवराज श्रेष्ठले स्वर्गिय सत्यनारायण बहादुर श्रेष्ठको बारेमा प्राप्त तथ्य, प्रमाणहरु सहित जेनजी आन्दोलनले वर्तमान राजनीतिक धरातल र त्यसले पारेको प्रभावका बारेमा कार्यपत्र प्रस्तुत गर्नु भएको थियो ।
फोनिजले राजनितिक दलहरुको जिम्मेवारी सहित जन प्रतिनिधिको समेत भूमिकामा रहेका पूर्व ऊर्जा, जलस्रोत तथा सिँचाइ राज्यमन्त्री एवं नेपाली काँग्रेस रामेछापका सभापति पूर्णबहादुर तामाङ (कान्छाराम), वाग्मती प्रदेश उद्योग, पर्यटन तथा वातावरण समिति सभापति आनन्द कुमार श्रेष्ठ, मन्थली नगरपालिका प्रमुख लव श्रेष्ठ,जिल्ला समन्वय समिति रामेछापका उपप्रमुख प्रेमबहादुर थापा समेतलाई मुख्य जिम्मेवार बक्ताका रुपमा सहभागि गराएर गत भदौ २३ र २४ गते भएको नवयुवाहरूको आन्दोलनको कारण र त्यसका उनिहरुले खेलेको भूमिकाका वारेमा हाकाहाकि सम्वाद गरेको थियो ।
सम्वाद सँस्थाका जिल्ला अध्यक्ष कुमार श्रेष्ठको अध्यक्षता र पुर्व जिल्ला अध्यक्ष नवराज श्रेष्ठको सँचालनमा भएको थियो । सो अवसरमा श्रेष्ठले जेन्जी आन्दोलन हुनुको पछाडि तत्कालिन राजनितिक दलको नेतृत्व र तपाईहरुको पनि कम्जोरी हो की होईन भनेर वहाँहरुबाट स्पष्ट जवाफ माग गर्नू भएको थियो । तर जिम्मेवार बक्ताको रुपमा सहभागि सवैजसो बक्ताहरुले जेनजी आन्दोलमा घुसपैठ भएको दाबी गर्दै जेनजीका नाममा स्वार्थि समुहले खेलेको दावी गरेका थिए ।नवयुवाहरूको आन्दोलनबाट बनेको वर्तमान अन्तरिम सरकारले निर्वाचनको वातावरण तयार गर्न नसकेको भन्दै सम्वादको क्रममा उनिहरुले आगामी फागुन २१ गते निर्वाचन हुनका लागि आवश्यक वातावरण बनि नसकेको बताएका थिए ।
सो क्रममा उनिहरुले भदौ २३ र २४ गते भएको घटनालाई छुट्टा छुट्टै नजरले हेर्नु पर्ने भन्दै २४ को घटना भने स्पष्ट रूपमा विध्वंस तर्फ उन्मुख भएको बताएका थिए । तर नेकपा एमालेका नेता समेत रहेका श्रेष्ठले श्रेष्ठले भने आफनो पार्टी एमाले संसद् पुनः स्थापनाको पक्षमा रहे पनि सरकारले निर्वाचनको वातावरण बनाए २१ फागुनको निर्वाचनमा समेत जान तयार रहेको बताए। अन्तर सम्वाद कार्यक्रमका क्रममा उनिहरुले पार्टि र सरकारको नेतृत्वमा लामो समयदेखि देखिएको पुरानै नेतृत्व र बढ्दो बेरोजगारी, महँगी, भ्रष्टाचार र कुसासनका स कारण युवापुस्तामा असन्तुष्टि चुलिँदै जाँदा जेन–जी आन्दोलन जन्मिएको कुरालाई भने उनिहरुले स्वीकार गरेका थिए । यद्यपी आफुहरुले भने जन अपेक्षा अनुसारको जिम्मेवारी पुरा गर्न बाट कुनै पनि कम्जोरी भने नगरेको र सामान्य कम्जोरी भए तत्काल सुधार गरेर जान तयार रहेको आश्वासन दिएका थिए ।