रामेछाप ,२१ माघ । रामेछाप उद्योग बाणिज्य संघको १४ औं बार्षिक साधारण सभा शनिवार मन्थलीमा सम्पन्न भएको छ ।
संघका अध्यक्ष केशब प्रसाद घिमिरेको अध्यक्षतामा सम्पन्न उक्त कार्यक्रमको उद्घाटन नेपाल उद्योग बाणिज्य महासंघका उपाध्यक्ष दिनेश श्रेष्ठले गर्नु भएको थियो ।
कार्यक्रमका अबसरमा बोल्दै उहाले उद्योगीहरुको प्रवद्र्धनका लागि स्थानीय देखि संघिय सरकार सम्म लाग्न सके दीगो विकास हुने बताउनुभयो । उहाले सबै खाले उद्योगी ब्यापारीहरुको हक हित का लागि खुलेको उद्योग बाणिज्य संघ सँग समन्वय गरेर बिकास निर्माण का योजना हरु बनाउन सके राम्रो हुने बताउनु भयो । कार्यक्रमका अबसरमा जिल्ला समन्वय समितिकी प्रमुख चिना कार्की, मन्थली नगरप्रमुख लव श्रेष्ठ, रामेछाप नगर प्रमुख लव श्री न्यौपाने लगाएतले आ आफ्नो मन्तब्य राख्नु भएको थियो ।
कार्यक्रमका अवसमार यस अघि रामेछाप उद्योग बाणिज्य संघको कार्य समितिमा रहेर काम गर्ने क्रमशः चिना खड्का कार्की, शिबहरी उप्रेती, सागर सुवेदी र केदार श्रेष्ठ लाई कदर पत्रले सम्मान गरिएको थियो भने बिषयगत क्षेत्र तर्फ मोहन श्रेष्ठ, भानु श्रेष्ठ र देवकारज कार्की, सुदिप देवकोटा लगाएतलाई पनि सम्मान गरिएको थियो । त्यसैगरी रामेछाप उद्योग बाणिज्य संघमा यस अघि पदाधिकारी को भुमिका बाट योगदान गरी संघबाट बिदा भई स्थानीय तहको वडा अध्यक्षमा बिजयी भई सफलता पूर्बक आफ्नो कार्यकाल भुक्तान गर्नुहुने क्रमश बिर ब बज्राचार्य र कुमार सुबेदीलाई पनि प्रशंसा पत्रले सम्मान गरिएको थियो ।
शनिवार नै सम्पन्न वन्द सत्रले संघका महासचिब नवराज ढुंगेल द्वारा प्रस्तुत सांगठनिक प्रतिवेदन र कोषाध्यक्ष पवन कठायत द्वारा प्रस्तुत गत आर्थिक वर्षको १ करोड, २९ लाख, ७१ हजार,१ सय ५५ रुपैया वरावरको र आगामी आर्थिक वर्ष २०८०÷८१ का लागि ४६ लाखको अनुमानित आम्दानी र खर्चको बिवरण पास गरेको छ । कार्यक्रमका अवसरमा यहि फागुन २७ गते ८ औं जिल्ला अधिबेशन भई नयाँ नेतृत्व समेत चयन हुने जानकारी गराइएको थियो ।
यो बारेमा तपाईको प्रतिकृया