मन्थली शहिद स्मृति बहुमुखी क्याम्पसको स्ववियू सभापतिमा अबिनास कार्की बिजयी, कोषाध्यक्ष पदमा वरावरी मत

रामेछाप,६ चैत । मन्थली सहिद स्मृति बहुमुखी क्याम्पसको स्ववियूमा तीन बिद्यार्थी संगठनको तर्फबाछ साझ उमेद्वार वनेका नेविसंघका अविनास कार्की विजयी भएका छन् ।
उनले अनेरास्ववियू का पुश्कर कुमार भट्टराईलाई ६३ मतान्तरले पछि पार्दै बिजयी भएका हुन् । कुल खसेको ५१४ मत मध्ये कार्कीले २८६ मत प्राप्त गर्दा भट्टराई ले २२३ मत प्रप्त गरेका थिए ।
यसैगरी कोषाध्यक्ष पदका दुबै तर्फका उमेद्वारहरु क्रमश कविता खरेल र विनिता श्रेष्ठले २५१÷२५१ (वरावरी) मत प्राप्त गरेपछि आधा आधा कार्यकाल का लागि पदभार ग्रहण गर्ने सहमति भएको छ ।
उता सचिब पदमा भने अनेरास्ववियू का सुशिल थापा २६० मत ल्याएर बिजयी भएका छन् । उनले गठबन्धन तर्फका उमेद्वार तेज बहादुर श्रेष्ठ लाई १६ मतको अन्तरले पराजित गरेका हुन् । श्रेष्ठ ले २४४ मत प्राप्त गरेका थिए । त्यसैगरी सदस्यहरुमा गठबन्धनको तर्फबाट उमेद्वार वनेका बिनोद कुमार माझी ले सबै भन्दा बढि २९७ मत ल्याएर विजयी भएका छन भने बिनिता माझी २८१,युवराज बुढाथोकी २८१,मनिष काफ्ले २७६ र अनोज भुजेलले २६७ मत ल्याएर बिजयी भएका हुन् ।