२९ साउन, २०७६
मन्थली- रामेछापका सरकारी कार्यालयका प्रमुखहरुले प्रमुख जिल्ला अधिकारीको निर्देशनलाई अटेर गर्न थालेका छन् । सेवा ग्राहीको कामलाई ध्यानमा राखेर कार्यालयमै बसेर काम गर्नु पर्ने भए पनि अधिकासं सरकारी कार्यालयका कर्मचारीहरु कामको चाप हुने समयमा कार्यालयमा भेटिन छोडेका छन् ।
मंगलबार जिल्ला प्रशासन कार्यालय रामेछापले विभिन्न सरकारी कार्यालयमा गरेको छड्के अनुगमनमा विभिन्न कार्यालयका ४१ जना कर्मचारीहरु सेवाग्राहीको कामलाई तामेलीमा राखेर कुर्सी नै खाली पारेर हिड्ने गरेको पाइएको छ । त्यसैगरी राज्यले नै कार्यालय समयमा लगाउने पोसाक उपलब्ध गराएको हुन्छ तर छड्के अनुगमनको क्रममा २२ जना कर्मचारीहरु कार्यालय पोसाक नै नलगाइ कार्यालयमा आएको भेटिएको जिल्ला प्रशासन कार्यालय रामेछापले बताएको छ । त्यस्तै ३९ जना कर्मचारी परिचय पत्र समेत नलगाइएको अवस्थामा भेटिका छन् ।
यस अघि पनि पटक पटक अनुगमनका क्रममा कार्यालय समय भित्र कर्मचारी कार्यालयमा नभेटिएको र त्यसलाई सुधारको लागि कार्यालय प्रमुख र सम्बन्धित कर्मचारीलाई सचेत गराइएको भए पनि त्यसको बेवास्ता गर्दै कर्मचारीहरु बाहिरिने गरेका छन् । कार्यालय समयमा आफ्नो काम गर्ने कार्यस्थलमा नभेटिएका कर्मचारीलाई स्पष्टीकरण सोधिने र चित्त बुझ्दो जबाफ नआए उनिहरुलाई नियम अनुसार कारबाहीको लागि सम्बन्धित मन्त्रालयमा सिफारिस गरिने जिल्ला प्रशासन कार्यालय रामेछापले बताएको छ ।
यो बारेमा तपाईको प्रतिकृया