१८ भदौ, २०७६
मन्थली– यहि भदौ २० गते पर्ने मानब बेचबिखन तथा ओसार पसार बिरुद्धको दिवस र २९ गते पर्ने राष्ट्रिय बाल दिवस बिबिध कार्यक्रमका साथ मनाइने भएको छ । बुधबार मन्थली नगरपालिकामा बसेको सर्बपक्षिय बैठकले उक्त निर्णय गरेको हो ।
“सरकारको प्रतिबद्धताः मानब बेचबिखन र ओसार पसार नियन्त्रणमा हामी सबैको एक्यबद्धता” भन्ने मूल नाराका साथ मानब बेचबिखन तथा ओसर पसार बिरुद्धको १३ औ राष्ट्रिय दिबसका अबसरमा प्रभातफेरी र रेडियो बहस कार्यक्रमको आयोजना गरि मनाइने भएको हो ।
त्यसैगरी “सुनिश्चित बाल अधिकारः समृद्ध नेपालको आधार” भन्ने मूल नाराका साथ मनाउन लागिएको बाल दिवसका अबसरमा बिद्यालय स्तरीय सरसफाई, नगर क्षेत्र भित्रका आधारभूत तहका बालबालिकाहरु बीच चित्रकला प्रतियोगिता र माध्यामिक तह कक्ष ९ र १० का बिद्यार्थीहरु बीच बक्तृत्वकला प्रतियोगिता गर्ने निर्णय भएको छ । बक्तृत्वकला कार्यक्रमको संयोजन मन्थली माबिले गर्ने भएको छ भने चित्रकला प्रतियोगिताको संयोजन प्याब्सन रामेछापले गर्ने समेत निर्णय भएको मन्थली नगरपालिकाका प्रमुख प्रशासकिय अधिकृत हेमन्त कुमार बुढाथोकीले जानकारी दिनुभयो ।
यो बारेमा तपाईको प्रतिकृया