२० भदौ, २०७६
मन्थली- मानव बेचबिखन तथा ओसारपसार बिरुद्ध सरोकारवालाहरु एकता बद्ध भएर अगाडी बढ्ने भएका छन् । मन्थली नगरापलिकाले जिल्ला सदरमुकाम मन्थलीमा शुक्रवार आयोजना गरेको १३ औ राष्ट्रिय मानब बेचबिखन तथा ओसार पसार बिरुद्धको दिवसका अबसरमा आयोजित प्रबचन कार्यक्रममा बोल्ने अधिकासं बक्ताहरुले मानव बेचबिखन तथा ओसारपसार बिरुद्ध सबै एकता बद्ध भएर लाग्ने बताएका हुन् ।
“सरकारको प्रतिबद्धताः मानब बेचबिखन र ओसार पसार नियन्त्रणमा हामी सबैको एक्यबद्धता” भन्ने मूल नाराका साथ आयोजना गरिएको कार्यक्रमका प्रमुख अतिथि एबं जिल्ला सामन्वय समितिका प्रमुख प्रेम बहादुर खड्काले मानब बेचबिखन तथा ओसारपसार गर्नु जघन्य अपराध भएको भन्दै यसका बिरुद्ध काम गर्न सबै एक भएर लाग्नुपर्ने बताउनुभयो । उहाँले अन्यत्र जिल्लाको तुलनामा रामेछाप जिल्लामा त्यस्ता घटनाहरु धेरै नभएको भएपनि सचेत भइ काम गर्नुपर्ने कुरालाई जोड दिनुयभो । कार्यक्रमका अध्यक्ष एबं मन्थली नगरपालिकाका नगरप्रमुख रमेश कुमार बस्नेतले नगर क्षेत्र भित्र हुने मानव बेचखिन तथा ओसारपसार नियन्त्रण गर्न नगरपालिका जस्तो सुकै कदम चाल्न पनि पछि नहट्ने बताउनुभयो ।
कार्यक्रममा बोल्दै मन्थली नगरापलिकाकी उप प्रमुख माया कुमारी कार्कीले दिबस मनाएर मात्र मानव बेचबिखन तथा ओसार पसार नियन्त्रण नहुने भन्दै अझै चेतना मुलक कार्यक्रमहरु गर्नु पर्ने बताउनुभयो । प्रमुख जिल्ला अधिकारी लिला कुमारी केसी पाण्डेले प्रत्येक बर्ष हुने मानव बेचबिखन तथा ओसार पसार मध्ये ८० प्रतिशत मानिसहरु यौन जन्य दाशिका रुपमा बेचिन बाध्य हुनुपरेको तथ्यांक रहेको बताउँदै रामेछाप जिल्लामा ३ बर्ष यता एउटा मात्र मानव बेचबिखन तथा ओसारपसारको उजुरी जिल्ला प्रहरी कार्यालयमा परेको भन्दै आगामी दिनमा पनि यस्ता अपराधिक कृयाकलाप हुनै नदिन आफु लागि पर्ने बताउनुभयो ।
कार्यक्रमका अबसरमा नेपाल पत्रकार महासंघ रामेछापका अध्यक्ष रमेश ढुंगेलले मानब बेचबिखन तथा ओसार पसार नियन्त्रणका लागि वडा स्तर देखिनै चेतनामुलक कार्यक्रम सञ्चालन गर्नु पर्ने बताउनुभयो । उहाँले बिगत केहि दिन यता देखि वालवालिका अपहरण गर्ने गिरोह जिल्ला पसेको भन्ने हल्लाका कारण सामाजमा नकरात्मक सन्देश प्रवाह भैरहेकोले यसको बारेमा स्थानीय प्रशासनले सत्य तत्य के हो सबै नागरिकहरुलाई जानकारी गराउनु पर्ने कुरालाई जोड दिनुभयो । उहाँले मानब बेचबिखन तथा ओसार पसार नियन्त्रणमा सञ्चार क्षेत्र पनि लागि पर्ने प्रतिबद्धता ब्यक्त गर्नुभयो ।
दिबसका अबसरमा प्रभात फेरी, प्रबचन र रेडियो संबाद कार्यक्रमको आयोजना गरिएको थियो । स्थानीय बि पी चोकबाट सुरु भएको र्यालीले मन्थली बजार परिक्रमा गरि जिल्ला समन्वय समितिको प्राङगनमा प्रबचन कार्यक्रम गरिएको थियो । मावन बेचबिखन तथा ओसार पसार बिरुद्ध कसरी अगाडि बढन सकिन्छ भन्ने बारेमा नगर प्रमुख, प्रमुख जिल्ला अधिकारी, प्रहरी नायब उपरीक्षक सँगको बहस कार्यक्रम जिल्लाका ५ वटै रेडियोले प्रशारण गरेका थिए ।
यो बारेमा तपाईको प्रतिकृया