बाहिर कस्मेटिक पसलको बोर्ड, भित्र तासको व्यापार !

३० भदौ, २०७६

मन्थली- उपभोक्ताको व्यापक गुनासो बढे पछि जिल्ला प्रशासन कार्यालय रामेछापले बजार अनुगमनलाई कडा बनाए सँगै अवैध रुपमा विक्री गर्न राखिएका सामाग्री जफत हुन थालेका छन् । प्रशासनले आइतबार गरेको बजार अनुगमनमा मन्थलीका कस्मेटिक पसलबाट अबैध रुपमा विक्री गर्न राखिएका तास र किराना पसलबाट सुर्ती जन्य बस्तु जफात गरेको हो ।

मन्थलीको कटहरबोट नजिक रहेको अन्जन इन्टरप्राईजेज, गुप्ता तरकारी तथा फलफूल पसल र देबकोटाचोक नजिक रहेको अनुराग इन्टरप्राइजेजमा अबैद रुपमा विक्रीका लागि राखिएका दर्जनौ तास भेटिएको जिल्ला प्रशासन कार्यालयले जानकारी दिइएको छ । त्यस्तै विभिन्न खाद्यन्न तथा किराना पसलहरुमा अनुमति विना सुर्ती जन्य बस्तु पनि विक्री गर्न राखिएको अवस्थामा भेटिएको जिल्ला प्रशासन कार्यालय रामेछापका नासु लक्ष्मण भुजेलले जानकारी दिनुभयो ।

त्यसैगरी किराना पसलहरुमा म्याद गुज्रेका सामाग्री पनि ठूलो मात्रमा भेटिएकाले त्यस्ता सामाग्री बरामद गरिएको पनि नासु भुजेलले बताउनुभयो । त्यस्तै सौन्दर्यताको लागि प्रयोग गरिने कस्मेटिकका सामाग्री पनि ठूलो मात्रमा बरामद गरिएको छ । बर्षौ देखि म्याद गुज्रेको तर पसलमा विक्री गर्न राखिएको अवस्थामा भेटिएका कस्मेटिक सामाग्री पनि वरामद गरिएको नासु भुजेलले बताउनुभयो ।

जिल्ला प्रशासन कार्यालय रामेछाप, मन्थली नगरपालिका, घरेलु तथा साना उद्योग विकास समिति, उद्योग वाणिज्य संघ, पत्रकार महासंघ सहितको संयुक्त बजार अनुगमन टोलीले गत सोमबार देखि खाद्यन्न पसल र किराना पसलको अनुगमन गरिरहेका छन् ।