३० भदौ, २०७६
मन्थली- रामेछापको मन्थली नगरपालिका वडा नम्बर ७ स्थित मन्थली घाट नजिक तामाकोशी नदीमा डुबेर एक व्यक्ति बेपत्ता हुनुभएको छ । मन्थली–७ भटौली राम्चे घर हुनुभएका राजन सार्की मन्थलीबाट घर जाँदै गर्दा गेरोटो बाटोबाट लडेर तामाकोशी नदीमा खसेर बेपत्ता हुनुभएको हो ।
मन्थलीबाट आफन्ता सहित घर फर्किनु भएका सार्की सोमबार साँझ साँढे पाँच बजेको समयमा तामाकोशी नदीमा डुबेर बेपत्ता हुनुभएको जिल्ला प्रहरी कार्यालय रामेछापका प्रहरी निरिक्षक रविभुषण यादबले जानकारी दिनुभयो । उहाँका अनुसार सार्की नदीमा डुबेको जानकारी पाउन साथ जिल्ला प्रहरी कार्यालयबाट आफ्नो नेतृत्व प्रहरी टोली खटेको र खोजी कार्य जारी रहे पनि अहिले सम्म भेटिएको छैन् ।
मन्थली घाट देखि खुर्कोट सम्म प्रहरीले खोजी कार्य गरिसकेको र अहिले पनि खोजी कार्य जारी रहेको प्रहरी निरिक्षक यादबले जानकारी दिनुभयो । अन्दाजी ४४ वर्षका सार्की हिड्दै जाँदा आफै लडेर कोशीमा खसेको आफन्ताहरुले बताएको प्रहरी निरिक्षक यादबले जानकारी दिनुभयो ।
यो बारेमा तपाईको प्रतिकृया