मन्थली,९ असार । मन्थली नगरपालिकाले आगमी आर्थिक वर्ष २०८२÷८३ का लागि १ अर्व ४ करोड ६५ लाख ६४ हजार २ सय २ रुपैया वरावरको वजेट विनियोजन गरेको छ ।
सोमबार मन्थलीमा सम्पन्न नगरसभाको १७ औं नगर अधिबेशनका अबसरमा उप– प्रमुख इश्वरी बस्नेतले उक्त बजेट विनियोजन गरेको सार्वजनिक गर्नु भएको हो ।
‘शिक्षित स्वास्थ्य व्यवसायिक शहर, उत्थानशिल र सम्बृद्ध मन्थली नगर’ भन्ने मूल नाराका साथ सम्पन्न सो अधिबेशनका अवसरमा उप–प्रमुख वस्नेतले उक्त बजेट विनियोजन गरेको सार्वजनिक गर्नु भएको हो ।
१४ वटा वडा रहेको यस नगरपालिकाको लागि उक्त रकम मध्ये चालु तर्फ ६८.७५ प्रतिशत र पूँजिगत तर्फ ३१.२५ प्रतिशत वजेट खर्च हुने अनुमान गरिएको पनि उप प्रमुख वस्नेतले बताउनुभयो ।
उक्त वजेट कार्यान्वनयका लागि सार्वजनिक सेवा प्रवाह तथा क्षमता विकास र सुशासन, सामाजिक विकास,शिक्षा, स्वास्थ्य , पूर्वाधार, खानेपानी, कृषि तथा पशु विकाश कार्यक्रमलाई महत्व दिइएको नगर प्रमुख लव श्रेष्ठले नगरको नीति तथा कार्यक्रम प्रस्तुत गर्दै बताउनुभयो ।
उक्त कार्यक्रमहरु मध्ये समाजिक विकास अन्तर्गत सुत्केरी सँग उपप्रमुख, छोरी जन्मलाई प्रोत्साहन र तेस्रो सन्तति प्रोत्साहन कार्यक्रम लाई जोड दिइएको छ ।
सो अवसरमा सूचना र सञ्चारको क्षेत्रमा उल्लेख्य काम गरेको भन्दै यस अघि देशभरका ४ वटा स्थानीय तहहरु मध्ये मन्थली नगरपालिका पनि राष्टपति द्वारा सम्मानित हुन सफल भएकोले उक्त कार्यमा उल्लेख्य भुमिका निर्वाह गरी सम्मानित हुने मन्थली नगरपालिकाका सूचना अधिकारी हेमन्त बुढाथोकीलाई नगर कार्यपालिकाले पनि दोशल्ला र प्रशंसा पत्रले सम्मान गरेको थियो ।
यो बारेमा तपाईको प्रतिकृया