मन्थली– जिल्ला प्रशासन कार्यालय रामेछापले बजार अनुगमनलाई कडाई गरे पनि मुख्य बजारका पसलहरुमा अखाद्य बस्तु भेटिन छोडेको छैन् । केही हप्ता अगाडी देखि सचेतना सहितको बजार अनुगमनमा व्यवसायिहरुलाई अनुरोध गर्दा समेत बजारमा अखाद्य बस्तु छ्याप्प छ्याप्ती भेटिएको हो ।
जिल्ला प्रशासन कार्यालय रामेछापको नेतृत्वमा सोमबार गरिएको बजार अनुगमनमा विगतमा जस्तै ठूलो परिणाममा म्याद गुज्रेका अखाद्य सामाग्री र सडेको मासु बिक्री गर्न राखिएको अवस्थामा भेटिएको अनुगमन टोलीले जानकारी दिएको छ । अनुगमनका क्रममा अनमिका स्टोर्स मन्थलीमा किरा परेकाे काजु र एमजी जनर स्टोर्स एण्ड सप्लायर्स रामेछापमा किरा परेर सडेको मासु समेत भेटिएको टोलीलले बतायाे ।
यसरी अखाद्य सामाग्री बस्तु भेटिएका पसलहरु सदरमुकाम मन्थलीमा नाम चलेका पसल समेत रहेको जिल्ला प्रशासन कार्यालय रामेछापले जानकारी दिएको छ । यस अघि पटक–पटक ठूलो परिणाममा अखाद्य सामाग्री भेटिएका पसलहरुलाई विभिन्न कारबाही गर्दा समेत कोही नसुध्रिएको प्रमुख जिल्ला अधिकारी लिला कुमारी केसी पाण्डेले गुनासो गर्नुभयो ।
हेर्नुहोस सूची
यो बारेमा तपाईको प्रतिकृया