कुमार श्रेष्ठ, मन्थली– रामेछापको मन्थली नगरपालिका वडा नं. ८ चिसापानीमा रहेको भिमेश्वर सामुदायिक सिकाई तथा सूचना केन्द्रमा नयाँ नेतृत्व चयन भएको छ । शनिबार भएको ११ औं साधारणसभा तथा अधिवेशनमा राजकुमार श्रेष्ठको अध्यक्षतामा ११ सदसिय कार्यसमिति चयन भएको हो ।
नयाँ कार्यसमितिको उपाध्यक्षमा सीता घिमिरे, सचिवमा पद्मा श्रेष्ठ, सहसचिवमा उत्तम कुमार श्रेष्ठ र कोषाध्यक्षमा श्रीधर घिमिरे रहेका छन् भने सदस्यहरुमा प्रबिन श्रेष्ठ, प्रमिना कुमारी श्रेष्ठ, बिनोद श्रेष्ठ र गैससबाट प्रतिनिधि शिव कर्माचार्य चयन भएका छन् । त्यस्तै मन्थली नगरपालिका वडा नं ८ का वडा अध्यक्ष राजकुमार श्रेष्ठ र भिमेश्वर माबिका प्रधानाध्यापक शंकर ढुङ्गेल पदेन सदस्य भएका छन् ।
समितिका नयाँ निर्वाचित अध्यक्ष रामजकुमार श्रेष्ठले यस अघिको कार्यसमितिले सिकाई केन्द्रलाई जिल्लाकै नमूना बनाउन खेलको भूकिमा राम्रो भएको र आफ्नो नेतृत्वमा पनि सिकाई केन्द्रलाई प्रविधिमैत्री बनाउँदै थप उचाईमा पुर्याउने प्रतिवद्धता व्यक्त गर्नुभयो ।
जिल्लाकै नमूना सिकाई केन्द्रका रुपमा परिचित रहेको भिमेश्वर सामुदायिक सिकाई तथा सूचना केन्द्रले क्षेत्रीय शिक्षा निर्देशनालयबाट २०७५ सालमा मध्यमाञ्चल क्षेत्रकै उत्कृष्ठ भई दोस्रो स्थान हासिल गरी ७५ हजार पुरस्कार समेत हात पारको थियो ।
यो बारेमा तपाईको प्रतिकृया