रामेछाप– मन्थली नगरपालिका वडा नं ४ को गैराथोकमा हतियार सहित गाउँमा पसेको अपरिचित समूहले सोमबार दिउँसो खुकुरी आतंक मच्चाएको छ । उनिहरुले अन्धाधुन्द रुपमा गरेको खुकुरी प्रहारबाट स्थानीय भिम बहादुर पुलामीको खोरमा बाँधेर राखेको बाख्रो मरेको छ ।
३ जनाको संख्यामा रहेका उनिहले बाख्रो काटेर मारेपछि भैँसी माथि अन्धाधुन्द रुपमा खुकुरी प्रहार गरि मार्न लागेको अवस्थामा गाउँलेहरुले थाहा पाएर उनिहलाई लखेटेका थिए । सोमबार दिउँसो गैराथोक पसेका ३ जनाको समुहले बाख्रो माथि खुकुरी प्रहार गरि मारेका र उनको भैसिलाई पनि काट्न लाग्दै गर्दा छिमेकीहरुले देखेका थिए । गाउँलेहरुले देख्नसाथ उनिहरुलाईनै जाईलागेका ति अपरिचित व्यक्तिहरुलाई गाउँलेहरुले लखेटेका थिए । उनिहरुलाई स्थानीयहरुले पीछा गर्दे जाँदा २ जना फरार रहेका छन् भने एक जनालाई भने गाउँलेहरुले प्रक्राउ गरि प्रहरीलाई बुझाएका छन् ।
पक्राउ परेको व्यक्तीलाई प्रहरीले नियन्त्रणमा लिएर अनुसन्धान गरिरहेको र भागेका अन्य २ जनाको पनि खोजी कार्य भैरहेको रामेछापका प्रहरी प्रमुख बसन्त पाठकले बताउनुभयो । उहाँले आहिलेको अवस्थामा बिना जानकारी गाउँमा उपद्रो मच्चाउँदै हिड्ने अपराधिक समूहको खोजी भईरहेको र एक जनालाई नियन्त्रणमा लिइ सकिएकाले उनिहरुको के कारणले त्यसो गरेको हो भन्ने चाँडैनै जानकारी हुने पनि प्रमुख पाठकले बताउनुुभयो ।
यो बारेमा तपाईको प्रतिकृया