रामेछाप– कोरोना भाइरस विरुद्ध अग्रपक्तीमा रहेर काम गरीरहेका स्वास्थ्य कर्मीलाई सहयोग पुग्ने गरी जेसिज रामेछापले सुनापति गाउँपालिकालाई स्वास्थ्य सुरक्षा सामाग्री उपलब्ध गराएको छ । गाउँपालिकामा संचालित दुई मेडिकललाई मंगलबार एक थान थर्मल गन र दुई थान पिपिइ सेट उपलब्ध गराइएको जेसिज रामेछापकी महासचिब सरस्वती रायले बताउनुभयो ।
स्वास्थ्य कर्मीहरुको सुरक्षाको लागि उक्त सामाग्री गाउँपालिका उपाध्यक्ष गीता विष्ट मार्फत दिइएको महासबि रायले बताउनुभयो । त्यस्तै जेसिज रामेछापले प्रकाशन गरेको एक सय थान भित्तेपत्रो पनि वितरण गरेको छ ।
त्यस्तै मंगलबार नै जेसिज रामेछापले जिल्लामा कार्यरत ट्राफिक प्रहरी, रामेछाप उद्योग वाणिज्य संघ र पत्रकारलाई एन–९५ मास्क वितरण गरेको छ । कोरोनाको महामारीको बेला पनि जोखिम मोलेरै आफ्नो कार्यमा तल्लीन ट्राफिक प्रहरी, पत्रकार र उद्योग वाणिज्य संघका कर्मचारीलाई मास्क वितरण गरिएको छ ।
जिल्लामा कार्यरत ट्राफिक प्रहरीका लागि जिल्ला ट्राफिक कार्यालयका प्रमुख रामेश्वर पाण्डेलाई ११ थान, प्रत्रकार महासंघका अध्यक्ष रमेश ढुङ्गेललाई २० थान र उद्योग बाणिज्य संघ रामेछापमा कार्यरत कर्मचारीहरुका लागि ५ थान गरि ३६ थान मास्क उपलब्ध गराईएको रामेछाप जेसिजका उपाध्यक्ष विमल पौडेलले बताउनुभयो ।
कोरोनाको उच्च जोखिमका बाबजुद आफ्नो पेशाबाट विचलित नभइ काम गर्न हौसला प्रदान गर्नका लागि उक्त मास्क प्रदान गरिएको जेसिज रामेछापका उपाध्यक्ष ज्ञानु श्रेष्ठले बताउनु भयो । जेसिजले यसअघि जिल्ला सदरमुकाम मन्थलीमा संचालित अस्पतालहरुमा स्वास्थ्य सामाग्री हस्तान्तरण गरेको थियो ।
यसैबीच जेसिज रामेछापकी महासचिवले बेथानका केही जेष्ठ नागरिकलाई एन–९५ माक्स उपलब्ध गराउनु भएको छ भने सहिद गोबिन्द खड्का प्रतिष्ठानद्वारा सञ्चालि एम्बुलेन्स चालकलाई एन–९५ माक्स र पिपिई सेट एक थान उपलब्ध गराउनुभएको छ ।
यो बारेमा तपाईको प्रतिकृया