रामेछाप– रामेछाप होटल तथा पर्यटन व्यवसायी संघले प्रमुख जिल्ला अधिकारीलाई १४ बुँदे ध्यानाकर्षण पत्र बुझाएको छ । लकडाउनको समयमा सबैभन्दा बढी असर होटल तथा पर्यटन व्यवसायमा परेको भन्दै घर भाडामा ५० प्रतिशत छुट दिने ब्यवस्थाका लागि आबश्यक पहल गरिदिनु पर्ने र घरधनीको बैंक कर्जा तिर्ने समयावधि समेत थप गर्न आबश्यक पहल गरिदिने माग सहित १४ बुँदे ध्यानाकर्षण पत्र प्रमुख जिल्ला अधिकारी रुद्रादेवी शर्मालाई बुझाएको हो ।
रामेछाप होटल तथा पर्यटन व्यवसायी संघका जिल्ला अध्यक्ष शेखर मान श्रेष्ठको नेतृत्वमा आइतबार दिउसो १ बजे जिल्ला प्रशासन कार्यालय पुगेको ब्यसायिहरुको प्रतिनिधिमुलक टोलीले ध्यानाकर्षण पत्र बाचन गरि प्रमुख जिल्ला अधिकारीलार्ई बुझाएको हो । ध्यानाकर्षण पत्रमा घरधनिको घरबहाल कर र बैंकको ब्याजमा छुटको व्यवस्था गरि कर छुटका लागि सरोकारवाला निकायसँग समन्वय गरिदिनु पर्ने, बिद्युत–पानी महसुल कम्तीमा एक बर्षको छुट गरिनुपर्ने, टेलिफोन, इन्टरनेट लगायतका महसुलमा विशेष सहुलियतको व्यवस्था गरिनुपर्ने र राहत स्वरुप एक वर्षको व्यवसाय कर तथा सबै प्रकारका राजस्वमा छुटको व्यवस्था मिलाउनुु पर्ने साथै व्यवसायीले लिएको ऋण तिर्ने समयाबधि कम्तीमा २ वर्ष थप गरी ब्याजमा सहुलियत गरिदिनु पर्ने लगायतका मागहरु रहेका छन् ।
त्यसैगरी सरकारले जारी गरेको मापदण्ड अनुसारका सावधानी अपानाएर होटल व्यवसाय खोल्ने व्यवस्था तुरुन्त मिलाइनु पर्ने, लकडाउनका कारण होटल क्षेत्रबाट विस्तापित भई बेरोजगार भएका श्रमिक तथा मजदुरहरुलाई आवश्यक तालिमको व्यवस्था गरी रोजगारीको अवसर सिर्जना गरिनुपर्ने लगायतका मागहरु पनि ध्यानकार्षण पत्रमा उल्लेख छन् । आइतबार केन्द्रीय कार्यक्रम अनुसार देशभरका ७७ वटै जिल्लाका प्रमुख जिल्ला अधिकारीलाई ध्यानाकर्षण पत्र बुझाउने कार्यक्रम अन्तर्गत रामेछापमा पनि बुझाइएको संघका महासचिब सुदिप देवकोटाले बताउनुभयो ।
यो बारेमा तपाईको प्रतिकृया