रामेछाप- जिल्ला आयोजना कार्यान्वयन इकाइ (अनुदान ब्यवस्थापन तथा स्थानीय पुर्बाधार) मन्थलीले हाल सम्म ८६ प्रतिशत पुन निर्माण कार्य सम्पन्न भैसकेको जनाएको छ । कार्यालयका प्रमुख गणेश अर्यालले आफ्नो कार्यालय मार्फत गर्ने नीजि आबासको भवन, सरकारी एबं सामुदायिक भवन निर्माण र बातावरणमा परको क्षति सम्बन्धि काम गर्ने क्रममा हाल सम्म ११ अर्ब ४ करोढ ३६ लाख रकम बित्तिय प्रगति भइ ८६ प्रतिशत पुनःनिर्माणको काम सम्पन्न भएको बताउनुभयो । आइतबार मन्थलीमा ट्रान्सपरेन्सी इन्टरनेशनल नेपालले आयोजना गरेको पत्रकारहरुसँगको अन्तरकृया कार्यक्रमका अबसरमा आफ्नो कार्यालयले हाल सम्म गरेका गतिबिधिहरुको बारेमा जानकारी गराउँदै अर्यालले यस्तो बताउनुभएको हो ।
उहाँका अनुसार जिल्लाका ४९ हजार ९ सय ४२ लभग्राहि भध्ये ४७ हजार ९ सय ६९ जनाले नीजि आवस निर्माण गर्ने सम्झौता गरेको भएपनि सबैले घर नबनाएको र घर नबनाउने मध्ये हाल सम्म २२ जनाले पहिलो किस्ता बापद बुझेको ५० हजार फिर्ता गरेको छन् । ८ सय ४० वटा घर प्रबलिकरणमा परेको, १६ वटा सरकारी आवास भवन बनेको, १४ वटा स्वास्थ्य चौकीभवनहरु निर्माण हुनुपर्नेमा सरकार मार्फत बन्ने ३ वटा निर्माणाधिन रहेको र एग्जिम बैक मार्फत बन्ने ११ वटा स्वास्थ्यचौकीहरु भने निर्माण सुरुवातिको प्रकृयामै रहेको बताउनुभयो ।
नेपाल पत्रकार महासंघ रामेछापका अध्यक्ष रमेश ढुंगेलको अध्यक्षतामा समपन्न उक्त कार्यक्रममा चालु आर्थिक बर्षमा ट्रान्सपरेन्सी इन्टरनेशनल नेपालले गरेको कार्यक्रमको बारेमा कार्यक्रम अधिकृत दिपक केण्सीले जानकारी गराउनु भएको थियो ।
उहाले चालु आर्थिक बर्ष २०७६/७७ मा बिनियोजित कुल रकम ६ लाख ९१ हजार ६ सय मध्ये ३ लाख ७ हजार ४ सय रुपैयाँ खर्च भएको र आगामी आर्थिक बर्षका लागि ५ लाख १ हजार पाँच सय रकम बिनियोजन गरिएको बताउनुभयो । यस परियोजना मार्फत नीति तथा प्रगति बारे सारोकारवालाहरुसँग बैठक, निर्माणाधिन पूर्बाधारहरुको अबलोकन संयुक्त बिद्यालय अबलोकन कार्यक्रम सार्बजनिक सुनुवाई, गुनासो संकलन कार्यक्रम, पत्रकारसँग बैठक, सफलताको कथा र फेलोसिप लेखन बित्तिय प्रतिबेदन संकलन तथा छलफल संघ संस्थाको बैठक एबं सिमान्तकृत समुदायका ब्यक्तिहरुसँग छलफल गर्ने कार्यक्रम चालु आवमा भएको र आगामी आबमा पनि यिनै कार्यक्रमहरु रहेको बताउनुभयो ।
कार्यक्रमका अबसरमा कार्यक्रमबाट उपलब्धिहरु ल्याउँदा मापन योग्य ल्याउन र पुनःनिर्माणमा सदाचारका लागि अझै गम्भीर भएर काम गर्न पत्रकारहरुले सुझाब दिएका थिए ।
यो बारेमा तपाईको प्रतिकृया