रामेछाप । नजिकिदै गैरहेको चार्डपर्वमा हुन सक्ने अखाद्य बस्तुको बिक्रिवितरण र काला बजारीको संभावनालाई मध्यनजर गर्दै जिल्ला प्रशासन कार्यालय रामेछापले सोमबार देखि मन्थली बजार अनुगमन सुरु गरेको छ ।
कोभिड को महामारीमा समेत बजार अनुगमनलाई तिब्रता दिएको प्रशासनले छड्के तथा नियमित रुपमा अनगुमन गरिरहेको प्रमुख जिल्ला अधिकारी रुद्रादेवी शर्माले बताउनु भयो ।
उहाका अनुसार–सोमबार ६ वटा मदिरा जन्य पदार्थ बिक्रि गर्ने पसलहरु र मंगलबार २९ बटा पसल अनुगमन गर्दा म्याद गुज्रेका अखाद्य बस्तुहरु बरामद गरिएको छ । सोमबारदेखि २ वटा टोली बनाएर बजार अनुगमन सुरु गरिएको हो । जिल्ला प्रशासन कार्यालय रामेछापले योजना बनाएरै बजार अनुगमनलाई तिब्रता दिएको छ ।
यो बारेमा तपाईको प्रतिकृया