रामेछाप । कोभिड –१९ को महामारी सँगै नजिकिदै गइरहेको बडा दशै, शुभ दिपावली र छठ पर्व जस्ता चार्डहरुलाई ध्यानमा राखि जिल्ला प्रहरी कार्यालय रामेछापले जिल्लाका ४ स्थानमा यात्रु सहायता कक्ष स्थापना गरेको छ ।
चार्डपर्वका बेलामा यात्रुहरु ठगिने,गाडि नपाउने, झुक्कीएर फरक गाडि चढ्ने जस्ता समस्याहरु नआउन् भन्नका लागि केन्द्रय कार्यक्रम अनुसार यात्रु सहायता कक्ष स्थापना गरिएको रामेछाप प्रहरी प्रमुख बसन्त पाठकले बताउनुभयो ।
जिल्ला ट्राफिक प्रहरी कार्यालयमा राखिएको यात्रु सहायता कक्ष प्रमुख जिल्ला अधिकारी रुद्रादेवी शर्माले मंगलबार मैन बत्ती बालेर र सहायता कक्षको ब्यानर अनावरण गरेर उद्घाटन गर्नु भएको थियो ।
जिल्ला ट्राफिक प्रहरी कार्यालय बसपार्क, प्रहरी चौकी खिम्ती, प्रहरी बिट देवकोटा चोक र सेलेघाट प्रहरी चेक पोष्ट मंगलबार देखि यात्रु सहायता कक्ष स्थापना गरिएको जिल्ला ट्राफिक प्रमुख रामेश्वर पाण्डेले बताउनुभयो ।
कार्यक्रमका अबसरमा बोल्दै प्रमुख जिल्ला अधिकारी शर्माले यो महामारीका बेलामा जनस्वास्थ्यका मापदण्ड नअपनाइ सवारी साधन सञ्चालन गर्ने, नियम पालना नगर्ने सवारी चालहरुलाई जरीवाना गरी असोज २ देखि २६ गते सम्म १४ लाख ७३ हजार राजस्व संकलन गरेकोमा जिल्ला प्रहरी प्रमुख र जिल्ला ट्राफिक प्रमुख लगाएत सबै प्रहरी र ट्राफिक प्रहरीहरुलाई धन्यवाद ज्ञापन गर्नु भएको थियो ।
उहाले यस्ता सहायता कक्षले नागरिकहरु ठगिन बाट जोगिने र अनाबश्यक दुख नपाउने भएकाले यो कक्षबाट लक्षअनुसारको उपलब्धी हासिल गर्न अनुरोध गर्नुभयो ।
सो अबसरमा प्रजिअ शर्मा, जिल्ला प्रहरी प्रमुख र ट्राफिक प्रहरी प्रमुख समेतले बिभिन्न वस तथा साना सवारी साधनमा यात्रागर्ने यात्रीहरुलाई नोवेल कोरोना भाइसर (कोभिड–१९) का बेला अपनाउनुपर्ने सावधानी, यसबाट बच्ने उपाय , मावनबेबिखन तथा ओसारपसार, लागु औषध दुब्र्यसन, आत्महत्या रोकथाम जस्ता बिषयस्तु समेटिएका चेतनामुलक सामाग्रीहरु समेत बितरण गर्नु भएको थियो ।
यो बारेमा तपाईको प्रतिकृया