रामेछाप ८ मंङ्सिर । मन्थली नगरपालिकाले हरेक वर्ष मनाउदै आएको लैङ्गिक हिंसा विरुद्को १६ दिने अभियान यस बर्ष पनि बिबिध कार्यक्रमका साथ मनाइने भएको छ ।
सोमवार मन्थली नगारपालिकामा बसेको सरोकारवालाहरुको बैठकले यहि मंसिर १० गते देखि २५ गते (तदनुसार २०२० नोभेम्बर २५ देखि डिसेम्बर १०) सम्म दिबसलाई अभियानको रुपमा मनाइने भएको हो ।
“लैङ्गिक हिंसा अन्त्यको प्रतिबद्धता ः व्यक्ति समाज र सबैको ऐक्यबद्धता” भन्ने मूल नाराका साथ यस बर्ष मनाउन लागिएको लैङ्गिक हिंसा विरुद्को १६ दिने अभियानलाई प्रभावकारी बनाउनका लागि नगरका सबैजसो वडा हरुमा कार्यक्रम संचालन गर्नका लागि नगरका उप सचिब दिपक सुवेदीको संयोजकत्वमा ५ सदस्सियसमन्वय समिति समेत गठन गरिएको छ ।
जस अनुसार पहिलो दिन मंसिर १० गते मुख्य नारा लेखिएको ब्यानर र लैङ्गिक हिंसा विरुद्धका विभिन्न नारा सहित को ¥यालीले मन्थली बजार परिक्रमा गरी अभियान आरम्भ भएको सन्देस प्रवाह गर्ने जनाइएको छ ।
त्यसै गरि अभियान अन्र्तगत १६ दिनका विचमा कार्यक्रमको तालिका तयार गरि अभियानको महत्व र त्यसले समाजमा पार्ने र पारी रहेको प्रभाबका बारेमा स्थानीय रेडियोहरु मार्फत सार्बजनिक महत्वको सूचना प्रवाह गर्ने, लैङ्गिक हिंसा विरुद्धका १६ दिने अभियानको उद्ेश्य का बारेमा तथा अपाङ्गहरुको हक अधिकार केहो भन्ने वारेमा पनि बिभिन्न वडाहरुमा अन्तरकृयात्मक कार्यक्रम सञ्चालन गर्ने निर्णय भएको छ । मन्थली नगरपालिकाका प्रमुख रमेश कुमार बस्नेतको अध्यक्षतामा बसेको बैठकले उक्त निर्णय गरेको हो ।
यो बारेमा तपाईको प्रतिकृया