रामेछाप २२ पुस । प्रहरी प्रधान कार्यालय रामेछापका प्रहरी प्रमुख बसन्त पाठकको सरुवा गरेको छ । प्रहरी कार्यालय नक्सालले मंगलबार पाठक सहित एकै पटक ६९ जना डिएसपीहरुको सरुवा गरेको हो । ६९ जना डिएसपीहरु मध्य जिल्ला मा एक बर्षे कार्यकाल पूरा भएसँगै उनको सरुवा भएको हो । एक वर्ष जिल्लामा रहँदा पाठकले जिल्लाको शान्ति सुरक्षा, यातायात ब्यवस्थापन र अन्य सामाजिक क्षेत्रमा उल्लेखनीय काम गरेका थिए । जसका कारण उनको नकारात्मक भन्दा सकारात्मक प्रहरी प्रमुखको रुपमा जिल्लाबासीले लिएका छन् । डिएसपी पाठकको सरुवा, भएसँगै जिल्ला प्रहरी कार्यालय रामेछापको नयाँ प्रमुखमा डिएसपी नवराज ढुंगाना आउने भएका छन् । अख्तियार दुरुपयोग अनुसन्धान आयोगमा कार्यरत ढुंगाना जिल्ला प्रहरी कार्यालय रामेछापको प्रमुख बनेर आउने भएका हुन् ।
यो बारेमा तपाईको प्रतिकृया