सुकाजोरमा कवर्ड हल

रामेछाप २६ पुष । रामेछाप जिल्लाको रामेछाप नगरपालिका वडा नं –७ मा निर्माण हुन लागेको कवर्ड हलको आइतवार एक कार्यक्रमका विच शिलान्यास गरिएको छ ।
सो वडाका वडा अध्यक्ष समिर कार्कीको अध्यक्षतामा सम्पन्न औपचारिक कायक्रम सँगै उक्त कवर्डहलको शिलान्यास रामेछाप नगरपालिकाका नगर प्रमुख नर वहादुर थापा मगरले गर्नु भएको थियो ।

संघिय समपुरक अनुदान अन्तर्गत ५ करोड २० लाख ८९ हजार ७ सय २ रुपैया मध्ये ४ करोड ५६ लाख ५५ हजार १ सय ८ रुपैयाको लागतमा आगामी २०७९ साल असार २५ गते सम्म सम्पन्न गर्ने गरी सुनकोशी कन्सट्रक्सन प्रा लिले जिम्मा लिएको इन्जिनियर कुशुम भट्टराइले जानकारी दिनुभयो ।
१ सय २० मिटर लम्वाइ र ९० मिटर चौडाई भएको ग्राउण्ड हुनेछ भने १ सय ९ मिटर लम्बाई र ८६ मिटर चौडाइको कवर्ड हलको भवन बन्ने गरी प्राविधिक स्टमेट रहेको छ ।

कार्यक्रमका अवसरमा रामेछाप नगरपालिका की उप प्रमुख सृजना खड्का, नेपाली काँग्रेस जिल्ला सभापति लवश्री न्यौपाने लगाएतले यो हल निर्माण भएपछि खेलकुदका लागि निक्कै सहज हुने वताउनु भयो । उक्त हल पालिकाकै गौरवको योजना भएको वताइएको छ ।