३१ बैशाख, २०७६
मन्थली– रामेछापको मन्थलीमा पछिल्लो समयमा घाम लाग्दा उड्ने धुलो र पानी पर्दा हुने हिलोको अस्थायी समाधान हुने भएको छ । मंगलबार जिल्ला प्रशासन कार्यलयमा प्रमुख जिल्ला अधिकारी लिला कुमारी के. सी पाण्डेको अध्यक्षतामा बसेको मन्थली बजारको सडक ब्यवस्थापन सम्बन्धि बैठले उक्त समस्याको अस्थायी समाधान तत्काल गर्ने निर्णय गरेको हो ।
बैठकले निर्माणाधिन मन्थली बजारको सडक ब्यवस्थापन गर्न धुलो नियन्त्रणका लागि मन्थली नगरपालिकाले नियमित रुपमा सडकमा पानी हाल्ने , मदन आश्रित चोक देखि रणजोर खोला पुल हुँदै भैसेश्वर चोक सम्मको कालोपत्रे निर्माणाधिन सडकमा सडक डिभिजन कार्यालय खुर्कोटले ग्राबेल गर्ने, उक्त सडक निर्माण सम्बन्धि सम्पुर्ण कार्य बिबरण डिभिजन कार्यालयले मन्थली नगरपालिकालाई उपलब्ध गराउने र सडक निर्माणको सम्पुर्ण जिम्मेवारी सडक डिभिजन कार्यालयको भएपनि मन्थली नगरपालिकाले समेत सहजिकरण गरिदिने निर्णय भएपछि नागरिकले केहि समय अघि देखि भोग्दै आएको समस्या समाधान हुने भएको हो ।
यस अघि मंगलबार नै सम्पुर्ण पीडित बजारबासीको तर्फबाट यम बहादुर थापा र राजन बुढाथोकीले प्रतिनिधि मुलक हस्ताक्षर गरी जिल्ला प्रशासन कार्यालय रामेछापमा सडक ब्यवस्थित गरिदिन अनुरोध गर्दै ज्ञापन पत्र बुझाएका थिए ।
ज्ञापन पत्रमा मन्थली नगरपालिकाको वडा नं १ स्थित देबकोटा चोक देखि मदन आश्रित चोक हुदै रणजोर खोला पुल छेउ सम्मको सडक मा गाडि गुड्दा निस्कोको धुलोका कारण ब्यक्तिका घर र पसलमा अस्त ब्यस्त बनाउदा बिरामी को संख्या बढ्दै गएको, सडक आसपासमा रहेको ३ वटा बिद्यालयका बिद्यार्र्थीहरुलाई हिडडुल र पठन पाठनमा गम्भिर रुपमा असर परेकोले तत्काल निर्माणाधिन उक्त सडकमा ग्राबेल र धुलो सडकमा पानीले धुलो पखाल्ने कार्य गर्ने ब्यवस्था मिलाउन अनुरोध गरिएको थियो । उक्त ज्ञापन पत्रमा आफ्ना मागहरु तत्काल सम्बोधन नभएमा सडक आवागमनमा रोक लगाउने चेतावनी समेत पीडित पक्षले दिएका थिए ।
यो बारेमा तपाईको प्रतिकृया