रामेछाप,१४असार । रामेछाप जिल्लामा जारी लकडाउनलाई खुकुलो बनाउदै निजी तथा सर्वाजनिक सवारीे साधन सञ्चालन गर्न दिइने भएको छ ।
जिल्लाभित्र निजी र सार्वजनिक दुवै सवारी साधन जोर विजोर प्रणालीमा सञ्चालन गर्न दिइने भएको हो ।
रामेछापका प्रमुख जिल्ला अधिकारी गौलोचन सैजूको अध्यक्षतामा सोमवार सम्पन्न जिल्ला स्तरीय कोभिड–१९संकट व्यवस्थापन केन्द्रको बैठकमा सवारी साधन जोर विजोर प्रणालीमा सञ्चालन गर्न दिने र सबै किसिमका ब्यवसायहरु बिहान ५ बजे देखि साझ ६ बजे सम्म खुल्ला गर्न दिने निर्णय भएको हो । उक्त निर्णय मंगलवार राति १२ बजे पछि (१६ गते बुधवार देखि) लागु हुने गरी भएको छ ।
तर खुल्ला स्थानमा धेरै मानिसहरु जम्मा हुन, भिडभाड, सभा जुलुस गर्न तथा पाटिर्, भोजभतेर गर्न, ब्युटि पार्लर र शैलुन सञ्चालन गर्न, जिल्ला भित्रिने र वाहिरिने यात्रु वाहक साधनहरु सञ्चालन गर्न भने अझै रोक लगाइएको छ । त्यसैगरी अत्यावश्यक भन्दा वाहेक सभा तथा गोष्ठी सञ्चालन गर्न, बिद्यालय खुल्ला गरी पठनपाठन र परीक्षा सञ्चालन गर्न तथा मेला, हाटवजार र जात्रा सञ्चालन गर्न पनि नपाइने भएको छ ।
यो बारेमा तपाईको प्रतिकृया