रामेछाप १२ पुष । नेकपा एमाले रामेछापले आगामि पुस २३ र २४ गते गर्न लागेको जिल्ला अधिवेसनको तयारी पुरा भएको छ । उसले सोमबार मन्थलीमा पत्रकार सम्मेलनको आयोजना गरि अधिवेसनको तयारी पुरा भएको जनाएको हो । अधिबेसनको उद्घाटन् जिल्ला ईन्चार्ज एवं केन्द्रिय सदस्य कैलाश ढ्ुँगेलले गर्नै पनि पत्रकार सम्मेलनमा जानकारी गराईएको थियो ।
जिल्ला अध्यक्ष शान्ति प्रसाद पौडेलको अध्यक्षता तथा पार्टिका केन्द्रिय सदस्य कैलाश ढुँगेलको प्रमुख आतिथ्यतामा भएको पत्रकार सम्मेलनमा पार्टि प्रचार विभाग प्रमुख प्रकाश कार्किले जिल्ला कमिटिले गरेको निर्णयको बारेमा पत्रकार सम्मेलन मार्फत जानकारी गराउनु भएको थियो । पौष २३ गते उदेघाटन र २४ गते बन्द सत्र गर्ने कार्यक्रम तय गरेको एमालेले जिल्ला अधिवेशनमा करिब ७ सय प्रतिनिधि छनौट हुन सक्ने जनाएको छ । त्यसका लागि पहिलो ५० जना संगठित सदस्य बराबर ३ जना प्रतिनिधि (एक महिला) ,पहिलो थप ५० जनामा एक प्रतिनिधि र अर्को थप ५० जना बराबर एक महिला सहित एमालेले प्रतिनिधि छनौट गर्ने पनि पत्रकार सम्मेलनमा जानकारी दिएको छ ।
त्यस्तै जनवर्गीय संगठनबाट प्रत्येक पालिकाबाट दुई महिला सहित ५जना ,सम्पर्क मञ्चबाट दुई महिला सहित १५जना , प्रत्येक वडाबाट न्युनतम एक जना दलितको प्रतिनिधित्व हुने गरी र ,जिल्ला सल्लाहकार समितिबाट १५ जना प्रतिनिधिले एमाले रामेछाप जिल्ला कमिटीको अधिवेशनमा सहभागिता जनाउने जानकारी दिईएको छ ।
एमालेले पुस १७ गते सबै वडाहरुबाट एकै दिन वडा भेला र १८ गते सातवटा पालिकामा पालिक भेला र सम्पर्क कमिटी र जनवर्गीय संगठनबाट अधिबेसनका लागि प्रतिनिधि चयन गरिने एमालेले जनाएको छ।
नेकपा एमालेले अधिबेसनलाई भब्य सभ्य बनाउनका लागि पार्टि अध्यक्ष शान्ति पौडेलको संयोजकत्वमा प्रेम तामाङ्ग , आनन्द श्रेष्ठ झम्क कडेल, सदस्य रहेने गरि राजनीतिक एवं सांगठनिक प्रतिवेदन समिति गठन गरेको छ । त्यसैगरि आर्थिक प्रतिवेदन तयारी समिति संयोजकमा रामप्रसाद देवकोटा ,प्रतिनिधि व्यवस्थापन समिति संयोजकमा आनन्द श्रेष्ठ ,स्वयंसेवक सेवक परिचालन समिति संयोजकमा लभ श्रेष्ठ ,खाद्य र आवास व्यवस्थापन संयोजकमा पुरुषोत्तम कडरिया,प्रचार प्रसार समिति संयोजकमा प्रकाशकुमार कार्की सास्कृतिक समिति झम्क कडेल,मञ्च व्यवस्थापन समिति संयोजकमा गोपाल श्रेष्ठ र अतिथि सत्कार समिति संयोजकमा प्रेमबहादुर तामाङलाई तोकेको पनि एमालेले जनाएको छ ।
यो बारेमा तपाईको प्रतिकृया